දේශීය

දරුවන්ගේ ඡායාරූප හා වීඩියෝ සමාජ මාධ්‍යයට මුදාහැරීමේදී සැලකිලිමත් වන්න – කාන්තා හා ළමා කටයුතු අමාත්‍යාංශය

Facebook ඇතුළු සමාජ මාධ්‍ය හරහා දරුවන්ගේ ඡායාරූප හා වීඩියෝ පළ කිරීමේදී දැඩි සැලකිල්ලක් දක්වන ලෙස කාන්තා හා ළමා කටයුතු අමාත්‍යාංශය දෙමාපියන් ඇතුළු සියලු පාර්ශ්වයන්ගෙන් ඉල්ලීමක් කරයි.

සමාජ මාධ්‍ය හරහා මුදල් ඉපයීමේ Monetization ක්‍රමවේද ක්‍රියාත්මක වීමත් සමඟ, දෙමාපියන්ගේ අවසරය ඇතිව හෝ නොමැතිව දරුවන්ගේ ඡායාරූප හා වීඩියෝ සමාජ මාධ්‍යයට එක් කිරීමේ ප්‍රවණතාවක් දක්නට ලැබෙන බව අමාත්‍යාංශය පෙන්වා දෙයි.

දරුවන්ගේ දක්ෂතා ප්‍රදර්ශනය කිරීම සහ ඔවුන්ගේ විවිධ ක්‍රියාකාරකම් අගය කිරීමේ මුවාවෙන් ඇතැම් පුද්ගලයන් හා ආයතන විසින් එවැනි වීඩියෝ පට වාණිජ අරමුණු සඳහා භාවිත කරන අවස්ථා පිළිබඳවද අවධානය යොමු වී ඇති බව එම නිවේදනයේ සඳහන් වේ.

විශේෂයෙන්ම Vlog ඇතුළු සමාජ මාධ්‍ය අන්තර්ගතයන් හරහා දරුවන්ගේ එදිනෙදා ජීවිතය, පෞද්ගලික තොරතුරු සහ ක්‍රියාකාරකම් ප්‍රසිද්ධ කිරීම, ඔවුන්ගේ පෞද්ගලික ආරක්ෂාවට අවදානමක් ඇති කළ හැකි බව අමාත්‍යාංශය අවධාරණය කරයි.

එමෙන්ම අන්තර්ජාලයට එක් කරන ඡායාරූප සහ වීඩියෝ වෙනත් පාර්ශ්වයන් විසින් නැවත භාවිත කිරීමේ හැකියාවක් පවතින අතර, කෘත්‍රිම බුද්ධි (AI) තාක්ෂණය ඇතුළු නවීන තාක්ෂණික ක්‍රම භාවිත කරමින් ඒවා විකෘති කර භාවිත කිරීමේ අවදානමක්ද පවතින බව අමාත්‍යාංශය පෙන්වා දෙයි.

ඒ අනුව, දරුවන්ගේ ඡායාරූප හා වීඩියෝ සමාජ මාධ්‍යයට මුදාහැරීමේදී ඔවුන්ගේ පෞද්ගලිකත්වය, ආරක්ෂාව සහ අනාගතයට ඇති විය හැකි බලපෑම් පිළිබඳව සැලකිලිමත් වන ලෙස කාන්තා හා ළමා කටයුතු අමාත්‍යාංශය දෙමාපියන්ගෙන් සහ අනෙකුත් පාර්ශ්වයන්ගෙන් ඉල්ලා සිටී.

මෙම නිවේදනය 2026 සැප්තැම්බර් 29 වැනිදා කාන්තා හා ළමා කටයුතු අමාත්‍යාංශය විසින් නිකුත් කර තිබේ.

Recent Posts

ශ්‍රී ලංකාවේ විදුලි බස් නිෂ්පාදන කර්මාන්තශාලාවක් පිහිටුවීමට ඕස්ට්‍රේලියානු සමාගමකින් යෝජනාවක්

ඕස්ට්‍රේලියාවේ ප්‍රමුඛ පෙළේ බස් රථ නිෂ්පාදන සමාගමක් වන Custom Denning ආයතනය, ශ්‍රී ලංකාවේ මහා පරිමාණ…

2 days ago

ක්‍රිකට් ගිලටීනයට හසුවූ විශේන්..

වර්තමාන ශ්‍රී ලංකා ක්‍රිකට් ක්‍රීඩා පිටිය තුළ කැපී පෙනෙන කඩයිම් රැසක් පසු කරමින් මෙරට ක්‍රිකට් අනාගතයට…

2 days ago

ශ්‍රී පාද වන්දනා වාරය උදුවප් පෝදා ආරම්භ වේ..

පරිසරය ආරක්ෂා කරගනිමින්, ශ්‍රී පාදස්ථානය පූජනීය ස්ථානයක් ලෙස සළකා වන්දනාවේ පැමිණෙන ලෙස ශ්‍රී පාදස්ථානාධිපති, පූජ්‍ය…

3 days ago

සමූපකාර තොග වෙළෙඳ සංස්ථාවේ ප්‍රථම තොග අලෙවි මධ්‍යස්ථානය අද මාතරදී විවෘත කෙරේ

සමූපකාර තොග වෙළෙඳ සංස්ථාවේ (ජාතික සතොස) ප්‍රථම තොග අලෙවි මධ්‍යස්ථානය අද (11) මාතරදී විවෘත කිරීමට…

2 weeks ago

රඹෑව බස් අනතුරෙන් 5 දෙනෙකු මරුට

 රඹෑව ප්‍රදේශයේදී බස් 3ක් ගැටී සිදුවූ අනතුරෙන් 5 දෙනෙකු මියගොස් තිබේ. අනතුරට ලක් වුණේ, ලංගම…

2 weeks ago