ඕස්ට්රේලියාවේ ප්රමුඛ පෙළේ බස් රථ නිෂ්පාදන සමාගමක් වන Custom Denning ආයතනය, ශ්රී ලංකාවේ මහා පරිමාණ විදුලි බස් රථ නිෂ්පාදන කර්මාන්තශාලාවක් පිහිටුවීම සඳහා යෝජනාවක් ඉදිරිපත් කර තිබෙනවා.
කර්මාන්ත සහ ව්යවසායකත්ව සංවර්ධන නියෝජ්ය අමාත්ය චතුරංග අබේසිංහ මහතා පසුගිය අගෝස්තු මාසයේදී ඕස්ට්රේලියාවේ සිඩ්නි නුවර පිහිටි සමාගමේ විදුලි බස් නිෂ්පාදන කර්මාන්තශාලාවේ නිරීක්ෂණ චාරිකාවක ද නිරත වී තිබුණා.
මෙම යෝජිත ව්යාපෘතිය යටතේ බස් රථවල චැසි සහ බඳ ඇතුළු ප්රධාන කොටස් ශ්රී ලංකාව තුළම නිෂ්පාදනය කිරීමට සැලසුම් කර තිබෙනවා.
එමෙන්ම යුරෝපීය තාක්ෂණික හවුල්කරුවකු සමඟ එක්ව මෙරට බැටරි එකලස් කිරීමේ කර්මාන්තයක් ද ආරම්භ කිරීමට සමාගම යෝජනා කර තිබෙනවා.
සමාගමේ ඇස්තමේන්තුවලට අනුව, වසර 15ක මෙහෙයුම් කාලයක් සැලකිල්ලට ගැනීමේදී සාමාන්ය ඩීසල් බස් රථයකට සාපේක්ෂව විදුලි බස් රථයක් භාවිතයෙන් සමස්ත ජීවන චක්ර පිරිවැය 50%කින් පමණ අඩු කරගත හැකියි.
ශ්රී ලංකාව තුළ විදුලි බස් රථ නිෂ්පාදනය කිරීමෙන් දේශීය රැකියා අවස්ථා ඇති කිරීම, නව තාක්ෂණය මෙරටට හඳුන්වාදීම සහ දේශීය අමතර කොටස් නිෂ්පාදන කර්මාන්තය දියුණු කිරීම සමාගමේ අපේක්ෂාවන් අතරට ඇතුළත්.
එමෙන්ම ශ්රී ලංකාව දකුණු ආසියානු කලාපයට සහ ජාත්යන්තර වෙළෙඳපොළට විදුලි බස් රථ අපනයනය කළ හැකි නිෂ්පාදන මධ්යස්ථානයක් බවට පත් කිරීම ද මෙම යෝජනාවේ දිගුකාලීන අරමුණක් වී තිබෙනවා.
කෙසේ වෙතත්, මෙම ව්යාපෘතිය තවමත් යෝජනා මට්ටමේ පවතින අතර, එහි ආයෝජන වටිනාකම, ඉදිකිරීම් ආරම්භ කරන දිනය සහ ක්රියාත්මක කිරීමේ කාලසටහන පිළිබඳ නිල තොරතුරු මෙතෙක් ප්රකාශයට පත් කර නැහැ.
වර්තමාන ශ්රී ලංකා ක්රිකට් ක්රීඩා පිටිය තුළ කැපී පෙනෙන කඩයිම් රැසක් පසු කරමින් මෙරට ක්රිකට් අනාගතයට…
පරිසරය ආරක්ෂා කරගනිමින්, ශ්රී පාදස්ථානය පූජනීය ස්ථානයක් ලෙස සළකා වන්දනාවේ පැමිණෙන ලෙස ශ්රී පාදස්ථානාධිපති, පූජ්ය…
සමූපකාර තොග වෙළෙඳ සංස්ථාවේ (ජාතික සතොස) ප්රථම තොග අලෙවි මධ්යස්ථානය අද (11) මාතරදී විවෘත කිරීමට…
රඹෑව ප්රදේශයේදී බස් 3ක් ගැටී සිදුවූ අනතුරෙන් 5 දෙනෙකු මියගොස් තිබේ. අනතුරට ලක් වුණේ, ලංගම…
One Lie is Small. A Pyramid of Them Looks Like the Truth. By Dinesh Abeywickrama…