බංග්ලාදේශයත් අද රනිල් කෙනෙක් හොයනවා – පවිත්‍රා වන්නිආරච්චි

සිසු අර­ග­ල­ක­රු­වන්ගේ ක්‍රියා­කා­ර­කම් හමුවේ ගිනි ගොඩක් බවට පත්වූ බංග්ලා­දේ­ශය, මෙරට ජනා­ධි­පති රනිල් වික්‍ර­ම­සිංහ මහතා වැනි නාය­ක­යෙක් සොය­මින් සිටින බව වන­ජීවී හා වන සම්පත් සංර­ක්ෂණ සහ වාරි­මාර්ග ඇමැ­තිනී පවිත්‍රා වන්නි­ආ­රච්චි මහ­ත්මිය පවසනවා.

“කාන්තා අපේ බලය” මැයෙන් කොළඹ ශ්‍රී ලංකා ප්‍රද­ර්ශන හා සම්මේ­ලන මධ්‍ය­ස්ථා­නයේ දී ඊයේ (09) පෙර­ව­රුවේ පැවති කාන්තා සමු­ළුවක් අමතමින් ඇය මේ බව පැවසුවා.

මෙහිදී අදහස් දැක්වූ අමාත්‍යවරිය..

“මුළු බංග්ලාදේශයම ගිනි ගොඩක් බවට පත්වුණා. අද බංග්ලාදේශය රනිල් වික්‍රමසිංහ වැනි නායකයෙකු සොයමින් සිටිනවා. අපිට ඒ දේ උරුම නොවුණේ මේ මාතෘ භූමියේ මහ පොළොවේ රනිල් වික්‍රමසිංහ වැනි නායකයෙකු වැනි බිහි වුයේ නිසයි. ඒ නිසා මේවට තර්ක විතර්ක අවශ්‍ය නෑ. රටේ නායකයා රටින් ගිය වෙලාවේ මේ මාතෘ භූමියේ එක ලේ කඳුළක් හදන්නේ නැතුව රාජ්‍යත්වය ස්ථාපිත කරමින් මේ රට නැවත යථාතත්ත්වයට පත් කළේ වෙන කවුරුත් නෙමෙයි රනිල් වික්‍රමසිංහ ජනාධිපතිතුමයි. ඒ නිසා අපි අද පාට, පක්ෂ සියල්ල පැත්තකට දාලා මේ මාතෘ භූමියේ නිවැරදි තීන්දු ගන්නා වූ කාන්තාවන් වශයෙන් අපේ ස්වකීය යුතුකම මේ මාතෘ භූමියට එක් කිරීමටයි එකතු වුණේ.”