හිටපු පොලිස්පති සී.ඩී. වික්‍රමරත්න මහතා අභිරහස් ලෙස මරුට.?

2026 ජූලි 17 | පෙ.ව. 7.46

ශ්‍රී ලංකාවේ 35 වැනි පොලිස්පතිවරයා ලෙස කටයුතු කළ හිටපු පොලිස්පති සී.ඩී. (චන්දන දීපාල්) වික්‍රමරත්න මහතා අභාවප්‍රාප්ත වී ඇති බව වාර්තා වේ.

මුල් වාර්තාවලට අනුව, අතුරුගිරිය ප්‍රදේශයේ පිහිටි ඔහුගේ නිවසේ තිබී වෙඩි වැදීමෙන් මියගිය ඔහුගේ සිරුර සොයාගෙන ඇත.

මෙය සියදිවි නසාගැනීමක් විය හැකි බවට සැක පළ කෙරෙන අතර, සිද්ධියේ නිශ්චිත හේතුව සම්බන්ධයෙන් පොලිසිය සහ අදාළ බලධාරීන් විසින් වැඩිදුර විමර්ශන ආරම්භ කර තිබේ.

සී.ඩී. වික්‍රමරත්න මහතා 1986 වසරේදී ශ්‍රී ලංකා පොලිස් සේවයට එක්ව වසර 30කට අධික කාලයක් සේවය කළ අතර, 2019 වසරේ පාස්කු ඉරිදා ප්‍රහාරයෙන් අනතුරුව වැඩබලන පොලිස්පතිවරයා ලෙස ද, 2020 නොවැම්බර් මාසයේදී ශ්‍රී ලංකාවේ 35 වැනි පොලිස්පතිවරයා ලෙස ද කටයුතු කළේය. ඔහු 2023 වසරේදී විශ්‍රාම ගත්තේය.

සිද්ධිය සම්බන්ධයෙන් වැඩිදුර තොරතුරු ලැබෙන පරිදි මෙම පුවත යාවත්කාලීන කරනු ලැබේ