ගම්පහ යක්කල සුපිරි වෙළඳ සැළකින් මිලදී ගත්, පෙර සැකසූ පිස ආහාරයට ගත යුතු, පැකට් කරන ලද බර්ගර් එකක තිබී ඇණයක් වැනි යකඩ කැබැල්ලක් පාරිභෝගිකයෙකුට හමුව තිබෙනවා.
මේ පිළිබඳව අදාළ පාරිභෝගිකයා විසින් එම සමාගමෙන් ප්රශ්න කර ඇති අතර එහි තත්ත්ව පාලන අංශයේ නිලධාරියෙක් තම සමාගම අතින් වරදක් වී ඇති බව පිළිගෙන තිබෙනවා.
පාරිභෝගිකයා විසින් පටිගත කරගෙන ඇති එම සංවාදයේදී ඔවුන් පවසා ඇත්තේ එය නිෂ්පාදන යන්ත්රයක දම්වැලකින් කැඩී ගිය කොටසක් බවයි.
එසේ නම් එවන් තවත් කොටස් තවත් තිබිය හැකි බැවින් වෙළඳපලට නිකුත් කර ඇති එම කාණ්ඩයට අයත් සෙසු ආශ්රිත නිෂ්පාදන වහාම වෙළඳපලෙන් ඉවත් කර පරීක්ෂා කළ යුතුව තිබෙනවා.
මෙම පාරිභෝගිකයා එම බර්ගර් පැකට්ටුව මිලට ගෙන ඇත්තේ යක්කල සුපිරි වෙළඳසලකින්.
මෙම අනතුරුදායක කැබැල්ල ගැන දැනගත් වහාම පාරිභෝගිකයා, නිෂ්පාදන කර්මාන්තශාලාවේ තත්ත්ව පාලන අංශ දැනුවත්කර ඇතත් ඔවුන් අදාළ සුපිරි වෙළඳසලේ එම ශාඛාව දැනුවත් කිරීමට හෝ යුහුසුළු වී නැහැ.
භාණ්ඩය මිලදීගත් සුපිරි වෙළඳසළෙන් කළ විමදීමකදී පාරිභෝගිකයාට එය තහවුරු වී තිබුණා.
එම නිෂ්පාදන අංශයට අදාළ සේවකයා මේ මොහොතේ ආයතනය තුළ නොමැති බවත් ඔහු ආයතනයට වාර්තා කළ පසු පරීක්ෂණයක් කරන බවත් ආයතනයේ නිලධාරීන් පවසා තිබෙනවා.
කෙසේ වෙතත් අදාළ පාරිභෝගිකයා විසින් ආහාර නිෂ්පාදනයක් සම්බන්ධව මෙම සමාගම පාර්ශ්වයෙන් සිදුව ඇති බරපතළ අගතියට එරෙහිව ගත හැකි ඉහළම පියවර ගැනීමට සූදානමින් සිටිනවා.
සුපිරි නම් වලින් මෙලෙස වෙළඳපලට නිකුත් කරන මෙවන් නිෂ්පාදන ජනතාව මිලට ගන්නේ විශේෂයෙන්ම සෞඛ්ය ආරක්ෂිත බව පිළිබඳව ඉහළ බවට ඇති කරගත්තා වු පැහැදිලි මානසිකත්වයකින්.
නමුත් ඉකුත් කාලයේ දිවයිනේ විවිධ ප්රදේශවලින්, ඇතැම් කෑම වර්ගවලින් හමුවූ ආගන්තුක ද්රව්යවලින් පෙනී යන්නේ එම තක්සේරුවද 100%ක්ම නිවැරදි නොවන බවයි.
විශේෂයෙන්ම මෙවැනි වූ ආහාරයක තිබීම භයානක, ආගන්තුක ද්රව්යයක් කෑම වර්ගයකින් හමුවීම කිසිසේත් සුළුකොට නොහැකි තත්ත්වයක්.
නැවුණු ඇණයක් බඳු මෙය ශරීරගත වූවා නම් වෙන හානිය පිළිබඳව ඕනෑම කෙනෙකුට අදහසක් ගත හැකියි.
අදාළ පාරිභෝගිකයාගේ පරීක්ෂාකාරී බව නිසා මෙය නිරීක්ෂණය වී තිබුණු අතර එය සූදානම් කර තිබී ඇත්තේ සිය කුඩා දරුවන්ට ආහාරයට දීමටයි.
මේ වසරේ ජනවාරි මස 31වනදා නිෂ්පාදිත දිනය ලෙස එහි පැකට්ටුවේ සඳහන්ව තිබූ අතර කල් ඉකුත්වීමට නියමිතව තිබුණේ එළඹෙන ජුලි මාසයේදී.
මෙම නිෂ්පාදනය සහ ඇණයක් වැනි කොටස ගැන දර්ශනවලින් යුතු වීඩියෝවක් බලාපොරොත්තුවන්න.
බස්නාහිර පළාත තුළ සීග්රයෙන් ඩෙංගු ව්යාප්තිය වැඩි වන බව ශ්රී ලංකා මහජන සෞඛ්ය පරීක්ෂකවරුන්ගේ සංගමයේ…
පාසල් දරුවන් අතර බෝ නොවන රෝග ව්යාප්තිය පාලනය සඳහා ‘සෞඛ්යවත් පාසල් ආපනශාලා මාර්ගෝපදේශය’ නිල වශයෙන්…
රට පුරා ඩෙංගු රෝගය ශීඝ්රයෙන් පැතිරෙන නිසා, මේ මදුරුවාට ඔබේ නිවසේ හෝ රැකියා ස්ථානයේ ඉඩක්…
කළුතර සහ කුරුණෑගල යන්ත්ර දැනටමත් ස්ථාපිත කර අවසන්. මෙරට සෞඛ්ය සේවාවේ භෞතික සම්පත් සංවර්ධනය කරමින්…
හිටපු රාජ්ය අමාත්ය ශෂීන්ද්ර රාජපක්ෂ ඇතුළු විත්තිකරුවන් තුන්දෙනෙකුට එරෙහිව අල්ලස් කොමිසම විසින් කොළඹ මහාධිකරණය හමුවේදී…
හොරණ තක්ෂිලා විද්යාලය මධ්ය විද්යාලයක් බවට පත්වී වසර 80 ක් සැපිරීම නිමිත්තෙන් පවත්වනු ලබන ‘Ultimate…