file
ජනාධිපති රනිල් වික්රමසිංහ මහතා සහ ඇමෙරිකා එක්සත් ජනපදයේ කළමනාකරණ සහ සම්පත් පිළිබඳ නියෝජ්ය රාජ්ය ලේකම් රිචඩ් වර්මා මහතා අතර හමුවක් ජනාධිපති කාර්යාලයේදී අද (23) පෙරවරුවේදී සිදු වුණා.
ශ්රී ලංකා ආර්ථිකය යථා තත්ත්වයට පත් කිරීමට රජය ප්රමුඛ ජනාධිපති රනිල් වික්රමසිංහ මහතා ගනු ලබන පියවර මෙහිදී නියෝජ්ය රාජ්ය ලේකම්වරයා ගේ ඇගයීමට ලක් වූ බව රජයේ ප්රවෘත්ති දෙපාර්තමේන්තුව සඳහන් කළා.
කෘෂිකාර්මික නවීකරණ වැඩසටහන ඇතුළු ශ්රී ලංකාව තුළ මේ වන විට සිදු කෙරෙන ප්රධාන ආර්ථික ප්රතිසංස්කරණ සහ ණය ප්රතිව්යුහගත කිරීමේ ක්රියාවලියෙහි ප්රගතිය පිළිබඳව ජනාධිපතිවරයා මෙහිදී එක්සත් ජනපද නියෝජ්ය රාජ්ය ලේකම්වරයා දැනුවත් කර තිබෙනවා.
ගෝලීය ආරක්ෂාවට අදාළ කරුණු සම්බන්ධයෙන් ද මෙහිදී සාකච්ඡාවට ලක් වූ අතර රතු මුහුදේ සිදු කෙරෙන නාවික මෙහෙයුම් සඳහා ශ්රී ලංකා රජය ලබාදුන් සහය වෙනුවෙන් නියෝජ්ය රාජ්ය ලේකම්වරයා ජනාධිපති රනිල් වික්රමසිංහ මහතා වෙත ස්තූතිය පළ කර සිටියා.
හුති කැරලිකරුවන් සම්බන්ධයෙන් සෞදි අරාබියේ ස්ථාවරත්වයට සහාය පළ කරමින් ඉන්දීය සාගරයේ නාවික ගමනාගමනයේ නිදහස වෙනුවෙන් ශ්රී ලංකාව තවදුරටත් කැපවී සිටින බව මෙහිදී ජනාධිපතිවරයා ප්රකාශ කළා.
ජනාධිපති ලේකම් සමන් ඒකනායක, විදේශ කටයුතු අමාත්යාංශයේ වැඩ බලන ලේකම් යූ.එල්.එම්. ජොහාර්, ජාත්යන්තර සබඳතා පිළිබඳ ජනාධිපති අධ්යක්ෂ දිනුක් කොළඹගේ, විදේශ කටයුතු අමාත්යාංශයේ ඇමෙරිකා අංශයේ අධ්යක්ෂ චතුර පෙරේරා යන මහත්වරුද මෙම අවස්ථාවට එක්ව සිටියා.
පාස්කු ඉරු දින ත්රස්ත ප්රහාරයට පෙර ඒ සම්බන්ධ බුද්ධි තොරතුරු ලැබී තිබියදීත් එය වැළැක්වීමට අවශ්ය…
චන්දන ජයවීර හිටපු ඇමැති මර්වින් සිල්වාට එරෙහිව අල්ලස් හෝ දූෂණ චෝදනා විමර්ශන කොමිෂන් සභාව පවරා…
විපක්ෂ නායක සජිත් ප්රේමදාස මහතා සහ ප්රජාතන්ත්රවාදී පක්ෂයේ සාමාජික, එක්සත් ජනපද නියෝජිත මන්ත්රී මණ්ඩලයේ සාමාජික…
විපක්ෂ නායක සජිත් ප්රේමදාස මහතා හා ශ්රී ලංකාවේ චීන මහජන සමූහාණ්ඩුවේ තානාපති චී ෂෙන්හොං (Qi…
"අදට වඩා හෙටට වඩාත් වැදගත් වන ආයෝජනයක් ලෙස නව වරාය සෞඛ්ය කාර්යාලය ඉතිහාසගත වනු ඇත"…
“යළිත් වරක් තුන් ලෝකෙට – දහම් ඇසයි උපදින්නේ !” ඒතං ඛෝ සරණං ඛේමං – ඒතං…