අත්අඩංගුවට පත් වැඩිම පිරිස බස්නාහිරෙන්: යුක්තිය මෙහෙයුමේ අලුත්ම තත්ත්වය

පාතාලය සහ මත්ද්‍රව්‍ය මර්දනය කිරීම සඳහා පොලිසිය විසින් ආරම්භ කළ විශේෂ මෙහෙයුමේ දී ඊයේ සිදුකළ විමර්ශනවලදී කෝටි 30කට අධික වටිනාකමකින් යුත් මත්ද්‍රව්‍ය අත්අඩංගුවට ගත් බව පොලිසිය පවසනවා.

දිවයින පුරා ක්‍රියාත්මක “යුක්තිය” මෙහෙයුමේ දී ඊයේ දවස තුළ අත්අඩංගුවට ගත් සැකකරුවන් ගණන 2121ක්.

ඉන් වැඩි පිරිසක් බස්නාහිර පළාතෙන් අත්අඩංගුවට ගෙන ඇති බව පොලිසිය පවසනවා.

2023.12.18 දින පැය 0030 සිට 2023.12.19 වන දින පැය 0030 දක්වා කාලය තුල සිදුකරන ලද විශේෂ මෙහෙයුමේදී පහත මත්ද්‍රව්‍ය ප්‍රමාණයන් අත්අඩංගුවට ගෙන ඇති බව පොලිසිය සඳහන් කළා.

හෙරොයින් 1kg 370g
අයිස් 556g
ගංජා 7kg 800 g
(අක්කර 5 ක ප්‍රදේශයක ගංජා වගාවක් බුත්තල ප්‍රදේශයේදී සැකකරුවෙකු අත්අඩංගුවට ගෙන ඇත.)
මාවා 3kg 500g
මත්පෙති 1075 ක් වශයෙනි.

පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති නිහාල් තල්දූව මහතා ප්‍රකාශ කළේ මෙම මෙහෙයුම් ලබන ලබන 23 දක්වා ක්‍රියාත්මක බවයි.