සුදානමකින් තොරව කෝප් කමිටුවට ආවාට ක්‍රීඩා කටයුතු සහ ක්‍රීඩා සංවර්ධන දෙපාර්තමේන්තුවට කෝප් එකෙන් දොස්

ක්‍රීඩා හා යෞවන කටයුතු අමාත්‍යාංශය සහ ක්‍රීඩා සංවර්ධන දෙපාර්තමේන්තුව සූදානමකින් තොරව කමිටුවට පැමිණීම කෝපා කමිටුවේ දැඩි අප්‍රසාදයට හේතු වී තිබෙනවා.

මෙම ආයතන සඳහා අප්‍රසාදය පළ කර ඇත්තේ ක්‍රීඩා හා යෞවන කටයුතු අමාත්‍යාංශයේ හා ක්‍රිඩා සංවර්ධන දෙපාර්තමේන්තුවේ 2020 සහ 2021 වර්ෂවල විගණකාධිපති වාර්තා සහ වාර්තමාන කාරයසාධනය පිළිබඳ සාකච්ඡා කිරීමට රජයේ ගිණුම් පිළිබඳ කාරක සභාව රැස්වූ අවස්ථාවේදී.

මෙහිදී විගණකාධිපති වාර්තාවේ කරුණු සම්බන්ධයෙන් ඇසූ ප්‍රශ්නවලට පිළිතුරු දීමට පැමිණි නිලධාරීන් අපොහොසත් වූ බව කෝපා කමිටුව පවසනවා.

ඒ අනුව එම නිලධාරීන් සූදානමකින් තොරව කාරක සභාවට පැමිණීම සම්බන්ධයෙන් දැඩි අප්‍රසාදය පළ කරන බව කරක සභා සභාපතිවරයා පවසා තිබෙනවා.

ඒ අනුව කෝපා කමිටුව අතරමග නවතා එම ආයතන දෙක ලබන මස 29 කැඳවීමට තීරණය කර ඇති අතර මෙවැනි සිදුවීමක් මෑත ඉතිහාසයේ සිදු වී නොමැති බව කෝපා කමිටුව සඳහන් කරනවා.

මෙම නිලධාරීන් ලබා දෙන පිළිතුරු අනුව ක්‍රීඩාව සම්බන්ධයෙන් ජාතික සැලැස්මක් නොමැති බවත් රජයේ මුදල් වියදම් කිරීම සම්බන්ධයෙන් පසු විපරමක් සිදු කර නොමැති බවත් කෝපා කමිටුව පෙන්වා දෙනවා.

රාජ්‍ය අමාත්‍ය ලසන්ත අලගියවන්න මහතාගේ ප්‍රධානත්වයෙන් කෝපා කමිටුව රැස් වී තිබුණා.