පසුගිය අප්රේල් මස 8 වෙනිදා සවස කොළඹ සිට බදුල්ල දක්වා ධාවනය වූ දුම්රිය ගමන්ගත් මාර්ගයට හපුතලේ ග්ලැනෝර් වතුයායේ රේල් ගේට්ටුව ආසන්නයේ දැවැන්ත ගසක් පෙරලීම නිසා මාර්ගය අවහිරවී තිබිණි.
එහි දී සිදුවීමට ගිය විශාල ජීවිත සහ දේපල විනාශයක් වළක්වා ගැනීමට ක්ෂණිකව ක්රියාත්මක වෙමින් දුම්රිය ගමන් ගන්නා මාර්ගයට පැමිණ දුම්රියට අනතුර පිළිබඳ සංඥා කරමින් දුම්රිය නතර කිරීමට කටයුතු කළ තංගමලේ වතුයායේ මුරකරුවකු ලෙස සේවය කරන හපුතලේ එච්. එම්.විජයරත්න මහතා ජීවිතය පවා පරදුවට තබමින් සිදුකළ වීර ක්රියාවට උපහාර දැක්විම සඳහා විශේෂ උත්සවයක් හපුතලේ දුම්රිය ස්ථානයේදී පැවැත් වුණා.
විජයරත්න මහතා විසින් සිදුකරන ලද වීර ක්රියාව අගය කරමින් ඔහු විසින් කරන ලද මෙහෙවර වෙනුවන් රුපියල් ලක්ෂයක මුදල් ත්යාගයක් පිරිනමන්නට ප්රවාහන හා මහාමාර්ග හා ජනමාධ්ය අමාත්ය ආචාර්ය බන්දුල ගුණවර්ධන මහතාගේ උපදෙස් පරිදි මාර්ග ආරක්ෂාව පිළිබඳ ජාතික සභාව කටයුතු කර තිබිණි.
මෙම අවස්ථාව අමතමින් අදහස් පළ අමාත්යවරයා,
පොදු ජනතාවගේ ප්රවාහන පහසුකම් සලසා දීම උදෙසා දුම්රිය සේවය සිදු කරන්නේ ජාතික මෙහෙවරක්. විශේෂයෙන් ම ස්වභාව සෞන්දර්යෙන් අනුන උඩරට දුම්රිය මාර්ගයට දෙස් විදෙස් සංචාරකයින්ගේ විශාල ආකර්ෂණයක් පවතිනවා. එවන් අවස්ථාවක මඟීන්ගෙන් පිරුණු දුම්රියක ජීවිත සහ දේපල ආරක්ෂාව පිළිබඳ වගකීම ඉතාමත් ඉහලයි. එවැනි තත්ත්වයක් යටතේ සිය ජීවිතය පිළිබඳ පවා නොතකමින් රටට, මිනිසුන්ට ආදරය කරන මිනිසකු ලෙස එච් එම් විජේරත්න මහතා සිදුකළ නිර්භීත ක්රියාව නිසා ජීවිත විශාල ගණනක් අනතුරට පත්වීම වැළකුණා.
ඕනෑම අයෙකුට විනාශයක් සිදු කිරීම ඉතාමත් පහසුයි. අපි තිස් වසරක යුද්ධය ඇතුළුව විනාශය දිගු කාලයක් අත් දුටු ජාතියක්. නමුත් විනාශයක් සිදු කරන අය වීරයන් වන්නේ නැහැ. තමන් ගැන පමණක් සිතන ලෝකයක අන් අය ගැන සිතමින් විජයරත්න මහතා සිදුකල මේ නිර්භීත කටයුත්ත උදෙසා ජාතියේම ප්රණාමය හිමිවිය යුතුයි.
රජයේ මාධ්ය අංශය:
ශ්රී ලංකාවේ ගුවන් විදුලියක් හෝ රූපවාහිනියක් අසල, කවුරුත් නැති කාමරයක තනිව සිටියත්, පවුලේ අයත් සමඟ…
ශ්රී ලාංකීය කෘෂිකර්මාන්තයේ නව්ය කරනයේ රන් සලකුණ වන ceylon green life plantation පුද්ගලික සමාගම තම…
උපුටා ගැනීම විනිසුරුවරුන්ගේ විශ්රාම වයස වැඩිකිරීමේ ව්යවස්ථා සංශෝධනය අනාගතය සඳහා මිස දැනට ධූරයේ සිටින විනිසුරුවරුන්…
සත්ව (සංශෝධන) සහ පාතික ජල සම්පාදන හා ජලාපවහන මණ්ඩල (සංශෝධන) යන පනත් කෙටුම්පත් සඳහා ගරු…
සමාජ මාධ්ය ඔස්සේ වීඩියෝ පටයක් හා මාධ්ය සාකච්ඡාවක් පවත්වමින් තහවුරු නොවූ අසත්ය කරුණු ප්රචාරය කළ…