රට රැකියා සඳහා පුද්ගලයින් 311,269ක් රටින් පිටව ගිහින්

ගෙවුණු 2022 වර්ෂය තුළ මෙරට පුද්ගලයන් 311,269 ක් රැකියා සඳහා විදෙස් ගත වී ඇති බව වාර්තා වෙනවා.

මැද පෙරදිග රටවල් සඳහා 84.7%ක්, ආසියානු රටවල් වෙත (දකුණු ආසියාව හැර) 6.3%ක්, යුරෝපීය රටවල් වෙත 4%ක් වශයෙන් මෙරටින් පුද්ගලයින් රැකියා සඳහා පිටව ගොස් තිබෙනවා.

රැකියා අපේක්ෂාවෙන් විදෙස් ගත වීම සඳහා නව විදෙස් ගමන් බලපත්‍ර 911,757 ක් ලබා ගෙන ඇති අතර එලෙස විදෙස්ගත වූ අයගෙන් 40%ක් පුහුණු ශ්‍රමිකයන් ලෙසත් 60% ක් අර්ධ පුහුණු (නිපුනතා අඩු) ශ්‍රමිකයන් ලෙසත් මෙරටින් පිටව ගොස් ඇති බව කම්කරු හා විදේශ රැකියා අමාත්‍යංශය, ඉදිරිපත් කළ තොරතුරු වල සඳහන් වෙනවා.