හොරණ තක්ෂිලා විද්යාලය මධ්ය විද්යාලයක් බවට පත්වී වසර 80 ක් සැපිරීම නිමිත්තෙන් පවත්වනු ලබන ‘Ultimate 80’ නම් වූ දැවැන්ත අධ්යාපන සහ සැමැරුම් උත්සව රැසක් මෙම මස 24 වැනිදා සිට 28 වැනිදා දක්වා විද්යාලීය පරිශ්රයේ පැවැත්වෙන බව එම විද්යාලයේ විදුහල්පති නිලූක වීරසිංහ මහතා අද (18දා) සඳහන් කළේය.
පාසල් සංවර්ධන සමිතිය, ආදි ශිෂ්ය සංගමය, වත්මන් ශිෂ්ය ප්රජාව මෙම වැඩසටහන් මාලාව සංවිධානය කරන අතර මෙම උත්සව මාලාවේ දැවැන්තම අංගය වන්නේ ‘ Cognizancy 2026 ‘ අධ්යාපනික ප්රදර්ශනය සහ සැණකෙළිය වේ.
ඊට සිසුන්ගේ නිර්මාණ, නවෝත්පාදන ඇතුළු විද්යා, තාක්ෂණික සහ කලා කුටි, විනෝදජනක අවස්ථා, වෙළෙඳ කුටි, සංගීත සංදර්ශන, සන්නද්ධ හමුදා පවත්වන විශේෂ සන්දර්ශන, පාසල් කැඩෙට් කණ්ඩායම් හි ඉදිරිපත් කිරීම් ඇතුළත් වන බව විදුහල්පතිවරයා කීවේය.
එසේම, රාජ්ය ආයතන සහ විශ්වවිද්යාල කිහිපයක අධ්යාපන හා ප්රදර්ශන කුටි මීට ඇතුළත්වේ.
මෙම අධ්යාපන හා වෙළඳ ප්රදර්ශනයෙන් ලැබෙන ආදායම් ශිෂ්ය සුබසාධනය, විද්යාලයීය යටිතල පහසුකම් සංවර්ධනයට සහ පාසල් ව්යාපෘති අඛණ්ඩව පවත්වාගෙන යෑමට යොදා ගැනෙන බව විදුහල්පති නිලූක වීරසිංහ මහතා වැඩිදුරටත් කියා සිටියේය.
හොරණ තක්ෂිලා මධ්ය විද්යාලයේ ආදි ශිෂ්ය සංගමයේ සභාපති නවීන්ද්ර ලක්නාත් මහතා මෙහිදී අදහස් දක්වමින් කියා සිටියේ මෙම අධ්යාපනික සහ සැණකෙළි මාලාව සඳහා හැත්තෑපන් දහසකට ආසන්න පිරිසක් එකතු වනු ඇති බව අපේක්ෂා කරන බවය. දශක අටක් තිස්සේ විද්වතුන්, නායකයන්, දක්ෂ ක්රීඩක ක්රීඩිකාවන්, වෘත්තිකයන්, කලාකරුවන් ඇතුළු සෑම ක්ෂේත්රයක්ම ආවරණය කෙරෙන විශිෂ්ටයන් බිහි කළ සිය කීර්තිමත් පාසලේ මෙම වැඩසටහන් මාලාව සාර්ථක කරගැනීම සඳහා ආදි ශිෂ්ය ප්රජාව ඇතුළු සැමගේ සහාය අපේක්ෂා කරන බව හෙතෙම කීවේය.
මෙම මාධ්ය හමුව බත්තරමුල්ල වෝටර්ස් එජ් හෝටලයේ පැවැති අතර මෙම අවස්ථාව සඳහා ආදි ශිෂ්ය සංගමයේ ලේකම් ලක්ෂිත සමරවීර, ආදි ශිෂ්ය සංගමයේ හිටපු සභාපති මොහාන් කන්නන්ගර මහතා ඇතුළු පිරිසක් එක්වූහ.
කැලණි ගඟ ආශ්රිත ඉහළ ප්රදේශයට ඇතිවූයේ වර්ෂාව හේතුවෙන් කැලණි ගඟේ පහළ කොටසේ ජල මට්ටමේ ඊයේ…
කොත්මලේ ජලාශයේ ජල මට්ටම පහළ යාම හේතුවෙන් ජලාශය ආශ්රිතව සිදුකෙරෙන ජල ක්රීඩා, නාවික සහ විනෝදාත්මක…
Recent incidents at the Mahara and Negombo Prisons were not isolated or spontaneous events but…
Minister of Housing and Water Supply Dr. Susil Ranasinghe addresses the media regarding recent incidents…
පාස්කු ඉරු දින ත්රස්ත ප්රහාරයට පෙර ඒ සම්බන්ධ බුද්ධි තොරතුරු ලැබී තිබියදීත් එය වැළැක්වීමට අවශ්ය…
චන්දන ජයවීර හිටපු ඇමැති මර්වින් සිල්වාට එරෙහිව අල්ලස් හෝ දූෂණ චෝදනා විමර්ශන කොමිෂන් සභාව පවරා…