තේ කර්මාන්ත හිමියන්ගේ රැස්වීම වෙනස්ම විදිහකට.හදුන්නෙත්තියි සමන්තයි දෙන්නම ඇවිත්.

තේ අපනයනයකරුවන්ගේ සංගමයේ 26 වන වාර්ෂික මහා සභා රැස්වීම Resilience Revitalization යන තේමාව ඔස්සේ (12) දින ටාජ් සමුද්‍රා හෝටලයේ දී සාර්ථකව පවත්වන ලදි.

මෙහිදි ශ්‍රී ලංකාවේ කාළාපීය වශයෙන් තේ කර්මාන්තශාලා ඇගයීමක් ද සිදු කෙරුනු අතර, එම අවස්ථාව වැවිලි සහ ප්‍රජා යටිතල පහසුකම් අමාත්‍ය සමන්ත විද්‍යාරත්න මහතා සහ කර්මාන්ත හා ව්‍යවසායකත්ව සංවර්ධන අමාත්‍ය සුනිල් හදුන්නෙත්ති මහතාගේ ප්‍රධානත්වයෙන් සිදු කෙරිණි.

මෙම අවස්ථාවේ ප්‍රධාන දේශනය මාර්තා ටෙස්ෆේ වොල්ඩෙමිචෙල් මහත්මිය, IMF නේවාසික නියෝජිත, (ශ්‍රී ලංකාව)( Ms. Martha Tesfaye Woldemichael, Resident Representative Sri Lanka, IMF ) විසින් සිදු කෙරුනු අතර මෙම උත්සව අවස්ථාවට තුර්කියේ තානාපතිතුමා, ඉරානයේ තානාපතිතුමා, ඉරාන තානාපති කාර්යාලයේ ආර්ථික උපදේශක,වැවිලි සහ ප්‍රජායටිතල පහසුකම් අමාත්‍යාංශ ලේකම්, ශ්‍රී ලංකා තේ මණ්ඩලයේ සභාපති, කුඩා තේ වතු සංවර්ධන අධිකාරියේ සභාපති, ශ්‍රී ලංකා තේ පර්යේෂන ආයතනයේ සභාපති, තේ අපනයනයකරුවන් හා නියෝජිතයන් රැසක් ද සහභාගී වන ලදි.