හමාස් සංවිධානය විසින් එල්ල කළ ප්රහාරයට ප්රතිචාර දක්වමින් ඊශ්රායලය ගාසා තීරයේ සිවිල් ඉලක්ක වෙත තවදුරටත් ප්රහාර එල්ල කරමින් සිටිනවා.
ප්රහාර හේතුවෙන් ගසා තීරයේ පලස්තීන වැසියන් 1400කට වැඩි පිරිසක් මියගොස් ඇති බව පලස්තීන සෞඛ්ය බලධාරීන් වාර්තා කළා.
ඒ අතර ළමුන් 447ක්, කාන්තාවන් 248ක් මෙන්ම සෞඛ්ය කාර්යමණ්ඩල සාමාජිකයන් 10 දෙනෙකු ද වෙනවා.
ඊශ්රායලය විසින් පලස්තීනයට අවශ්ය ජලය, ආහාර, ඖෂධ මෙන්ම ඉන්ධන ආදී සියල්ල අවහර කර තිබීම හේතුවෙන් ගාසා තීරය තුළ ඇතිව ඇත්තේ ඛේදනීය තත්ත්වයක්.
ගසා තීරයේ ජලය හා ආහාර අවසන්වීමෙන් ගර්භනී කාන්තාවන් 50,000 කට අත්යවශ්ය සේවාවන් වෙත ප්රවේශ වීමට නොහැකිව භායානක තත්වයකට මුහුණ දී සිටින බව එක්සත් ජාතීන්ගේ සංවිධානය පවසනවා.
සෞඛ්ය බලධාරීන් පවසන්නේ ඉන් කාන්තාවන් 5,500ක් පමණ ඉදිරි මාසය තුළ දරු ප්රසූතියට නියමිත බවයි.
ඊශ්රායල ප්රහාරවලින් විනාශ වී ඇති නිවාස ගණන 12,600ක්.
පලස්තීන වැසියන් පහෙන් එකක් ප්රහාර හේතුවෙන් මේ වන විට අවතැන්ව සිටින බව විදෙස් මාධ්ය සඳහන් කරනවා.
හමාස් සංවිධානය විසින් පසුගියදා ඊශ්රායලයට එල්ල කළ ප්රහාරයෙන් පසු ඊශ්රායලය විසින් ඊට පළිගැනීමක් ලෙස සිවිල් ඉලක්ක වෙත ද ප්රහාර එල්ල කරමින් සිටින්නේ ජාත්යන්තර යුධ නීතය ද මායිම් නොකරමින්.
යුද්ධය ආරම්භ කර ඇත්තේ සතුන් පිරිසක් සමඟ බැවින් ඔවුන්ට සතුන්ට ලෙස ප්රතිචාර දක්වන බවත් ඊශ්රායලය පවසා තිබුණා.
