ක්රීඩාව යනු තරගාකාරීත්වය තුළින් ශිෂ්ට සම්පන්න මිනිසුන් සමාජයට බිහි කරන සුවිශේෂී ක්රියාකාරකමක්.
නමුත් ක්රීඩාව වෙනුවට අශිෂ්ට ක්රියාවක් ලොවටම ප්රදර්ශනය කළ සිදුවීමක් පානදුර, හිරණ ප්රදේශයෙන් වාර්තා වුණා.
මෙය බක් මහ උළෙලක පාපැදි තරගයක්.
පානදුර, හිරණ, තේක්කවත්ත ප්රදේශයේ පෙරේදා(23) දින පැවති මෙම පාපැදි තරගයේදී ජය කණුවට මීටර් 100ක පමණ කෙටි දුරක් තිබියදී තරගයේ තුන්වැනි ස්ථානයේ සිටි පාපැදිකරු තල්ලු කර වට්ටා දැමීමට එහි තවත් පාපැදිකරුවෙක් කටයුතු කළා.
මෙම අශිෂ්ට ක්රියාව නිසා තරගය නරඹමින් සිටි කුඩා දරුවෙකුට ද තුවාල සිදුවුණා.
අනතුරින් පසු පාපැදිකරු සහ කුඩා දරුවා පානදුර රෝහලට ඇතුළත් කර තිබෙනවා.
පාපැදිකරු වැඩිදුර ප්රතිකාර සඳහා කොළඹ ජාතික රෝහලට ඇතුළත් කළ බව පොලීසිය පවසයි.
ඔහුගේ සුසුම්නාවට හානි සිදුව තිබෙනවා.
තුවාල ලැබූ පාපැදිකරු යුද හමුදා කෝප්රල්වරයෙක් වන අතර ඔහු තල්ලු කළ පුද්ගලයා යුද හමුදා සෙබෙළෙක්.
අනතුරින් පසු එම යුද හමුදා සෙබළා අත්අඩංගුවට ගෙන තිබෙනවා.
අනතුරුව ඔහු පානදුර මහේස්ත්රාත් අධිකරණයට ඉදිරිපත් කර ඇප මත මුදාහැරි බව පොලීසිය පවසනවා.
සිද්ධිය ගැන පොලීසිය වැඩිදුර විමර්ශන පවත්වයි.
එම විඩියෝව පහතින් දැක්වේ,
