ක්‍රීඩා

දිවයිනේ සිව්දෙසින් එක්වන තරුණ පරපුර හරහා ශ්‍රී ලංකාව තුළ නව ක්‍රීඩා සංස්කෘතියක් ගොඩනැගීම අපගේ අරමුණයි” – ක්‍රීඩා අමාත්‍ය සුනිල් කුමාර ගමගේ

ජාතික යොවුන් සේනාංකය මගින් දිවයින පුරා විසිරී සිටින තරුණ තරුණියන්ගේ ක්‍රීඩා කුසලතා ජාතික තලයට ඔසවා තැබීමේ අරමුණින් වාර්ෂිකව සංවිධානය කරනු ලබන “Youth Spirit Sports Festival – 2026” ජාතික ක්‍රීඩා උළෙලේ අවසන් මහා තරග සහ සම්මාන ප්‍රදානෝත්සවය දිවුලපිටිය ජාතික යොවුන් සේනාංක පුහුණු මධ්‍යස්ථානයේ දී පැවැත් වුණි.

මෙම අවස්ථාවට ප්‍රධාන ආරාධිතයා ලෙස සහභාගී වෙමින් තරුණ කටයුතු සහ ක්‍රීඩා අමාත්‍ය සුනිල් කුමාර ගමගේ මහතා පැවසුවේ, “වත්මන් රජයේ ප්‍රතිපත්ති ප්‍රකාශයට අනුව ‘පොහොසත් රටක ලස්සන ජීවිතයක්’ නිර්මාණය කිරීමේදී ක්‍රීඩාව යනු අතිශය වැදගත් සාධකයක්. ජාති, ආගම් හෝ ප්‍රාදේශීය වශයෙන් බෙදී වෙන්ව සිටි අඳුරු යුගය නිමා කරමින්, උතුර, දකුණ, නැගෙනහිර සහ බටහිර යන සිව්දෙසින්ම පැමිණි තරුණ දරුවන් අද එකම ක්‍රීඩා පිටියක සහයෝගයෙන් කටයුතු කරනු දැකීම සතුටට කරුණක්. ජාතික තලයට යාමට අවස්ථාව නොලැබෙන ග්‍රාමීය මට්ටමේ දක්ෂ ක්‍රීඩක ක්‍රීඩිකාවන් හඳුනාගෙන, ඔවුන් ජාත්‍යන්තරය දක්වා ගෙන යාමට මෙවැනි තරගාවලි විශාල පිටිවහලක් වෙනවා. ක්‍රීඩාවේ ජීවගුණය සහ විනය සමාජය තුළ යළි ස්ථාපිත කරමින්, ඉදිරියේදී මීටත් වඩා ඉහළ පහසුකම් යටතේ මෙවැනි තරගාවලි සංවිධානය කිරීමට අප කටයුතු කරනවා.” යනුවෙනි.

මෙම අවස්ථාවට එක්වෙමින් තරුණ කටයුතු නියෝජ්‍ය අමාත්‍ය දිනිඳු සමන් හෙන්නායක මහතා සඳහන් කළේ, තරුණ පරපුරට රට තුළ යහපත් අනාගතයක් නිර්මාණය කර දීම රජයේ ප්‍රමුඛ අරමුණක් බවත්, හුදු වෘත්තීය පුහුණුවට එහා ගිය මානුෂීය ගුණධර්ම සහ සහකම්පනය සහිත තරුණ පරපුරක් නිර්මාණය කිරීමේ වගකීම පවතින බවත් ය.

ගතවූ කාලය තුළ තරුණ විරැකියාව සැලකිය යුතු ප්‍රතිශතයකින් අඩු කිරීමට හැකි වී ඇති බව සඳහන් කළ නියෝජ්‍ය අමාත්‍යවරයා, සංචාරක සහ තොරතුරු තාක්ෂණ ක්ෂේත්‍ර හරහා මෙන්ම පෞද්ගලික ආයතන හා එක්ව නව රැකියා අවස්ථා නිර්මාණය කර දීමට කටයුතු කරමින් සිටින බව පැවසීය.

තරුණ නායකත්ව සංවර්ධනය උදෙසා විධිමත් පුහුණු වැඩසටහන් හඳුන්වා දීමටත්, ක්‍රීඩාව සහ කලාව තුළින් මනස නිදහස් කර මත්ද්‍රව්‍යවලට ඇබ්බැහි නොවන නව පරපුරක් බිහි කිරීමටත් කටයුතු කරන බව නියෝජ්‍ය අමාත්‍යවරයා වැඩිදුරටත් සඳහන් කළේය.

මීට අමතරව තරුණ නිර්මාණකරුවන් උදෙසා ක්‍රියාත්මක “සිහිනයට පියාපත්” වැඩසටහන සහ දත්ත මත පදනම් වූ ප්‍රතිපත්ති සකස් කිරීම සඳහා ලංකා ඉතිහාසයේ ප්‍රථම වරට පැවැත්වීමට නියමිත ජාතික තරුණ පර්යේෂණ සමුළුව පිළිබඳව ද ඒ මහතා මෙහිදී අදහස් දැක්වීය.

අද වන විට සෑම පළාතකටම ජයග්‍රහණ හිමිවී ඇති බවත්, ග්‍රාමීය තරුණ තරුණියන් ජාත්‍යන්තර තලයට යොමුවෙමින් සිටින බවත් පවසමින් නියෝජ්‍ය අමාත්‍යවරයා ක්‍රීඩක ක්‍රීඩිකාවන්ට සිය සුබපැතුම් එක් කළේය.

මෙවර ක්‍රීඩා උළෙලේදී දුනු විදීම, වායු රයිෆල්, නෙට්බෝල්, කබඩි සහ වොලිබෝල් යන ඉසව් රැසක් පැවැත්වුණු අතර, එම තරගවල ජයග්‍රාහකයින් සඳහා කුසලාන සහ සහතිකපත් පිරිනැමීම මෙන්ම ක්‍රීඩාව වෙනුවෙන් කැපවූ පුහුණු උපදේශකවරුන් ඇගයීම ද මෙහිදී සිදු කෙරිණි.

තරගාවලියේ සුවිශේෂී ජයග්‍රහණ රැසක් වාර්තා වූ අතර, සමස්ත පළාත් අනුශූරතාවය උතුරු පළාත විසින් හිමි කරගන්නා ලද අතර සමස්ත පළාත් ශූරතාවය වයඹ පළාත විසින් හිමි කරගන්නා ලදී. පිරිමි වොලිබෝල් ශූරතාවය වයඹ පළාත විසින් ජයග්‍රහණය කළ අතර අනුශූරතාවය උතුරු පළාත විසින් දිනාගන්නා ලදී.

කාන්තා වොලිබෝල් තරගයේදී සබරගමුව පළාත ශූරතාවය දිනාගත් අතර මධ්‍යම පළාතට එහි අනුශූරතාවය හිමි විය. එසේම, නෙට්බෝල් ශූරතාවය ඌව පළාත විසින් හිමිකර ගත් අතර එහි අනුශූරතාවය වයඹ පළාතට හිමි විය.

Recent Posts

සමූපකාර තොග වෙළෙඳ සංස්ථාවේ ප්‍රථම තොග අලෙවි මධ්‍යස්ථානය අද මාතරදී විවෘත කෙරේ

සමූපකාර තොග වෙළෙඳ සංස්ථාවේ (ජාතික සතොස) ප්‍රථම තොග අලෙවි මධ්‍යස්ථානය අද (11) මාතරදී විවෘත කිරීමට…

6 days ago

රඹෑව බස් අනතුරෙන් 5 දෙනෙකු මරුට

 රඹෑව ප්‍රදේශයේදී බස් 3ක් ගැටී සිදුවූ අනතුරෙන් 5 දෙනෙකු මියගොස් තිබේ. අනතුරට ලක් වුණේ, ලංගම…

7 days ago

Anyone Can Post, But Should Everyone Be Believed?

One Lie is Small. A Pyramid of Them Looks Like the Truth. By Dinesh Abeywickrama…

7 days ago

ආසියා ශාන්තිකර කලාපීය විද්‍යුත් විකාශකයින්ගේ සංගමයේ මහා සමුළුවේ සමාරම්භක උත්සවය ජනපති ප්‍රධානත්වයෙන්

කැපිටල් මහාරාජා සභාපති ශෂී රාජ මහේන්ද්‍රන් හා කැපිටල් මහාරාජා සමූහ අධ්‍යක්ෂ ෂෙවාන් ඩැනියෙල් සමඟ ජනපති…

2 weeks ago

ජ්‍යෙෂ්ඨ නීතිඥ ලාල් විජේනායකගේ දේහයට ජනපති අවසන් ගෞරව දක්වයි

ශ්‍රී ලංකාවේ ජ්‍යෙෂ්ඨ වාමාංශික දේශපාලන ක්‍රියාකාරිකයෙකු සහ ජාතික ජන බලවේගයේ (NPP) විධායක සභික අභාවප්‍රාප්ත ජ්‍යෙෂ්ඨ…

2 weeks ago

ප්‍රදේශ කිහිපයක අදත් හවසට වැස්ස

බස්නාහිර, සබරගමුව, මධ්‍යම, ඌව සහ දකුණු පළාත්වල සහ කුරුණෑගල, අම්පාර සහ මඩකළපුව දිස්ත්‍රික්කවල පස්වරු 1.00…

2 weeks ago