සමගි ජනබලවේග පාර්ලිමේන්තු මන්ත්රී දොස්තර කවින්ද ජයවර්ධන මහතා ඊයේ(05) මෙරට ඉන්දීය මහකොමසාරිස් සන්තෝෂ් ජා මහතා හමුව තිබෙනවා. ඒ කොළඹ ඉන්දීය නිවහනේදී. (indian house )
මෙරටට බලපෑ දිට්වා සුළි කුණාටුව හේතුවෙන් සිදු වූ විශාල හානිය පිළිබඳවත්, එම අවස්ථාවේදී ඉන්දීය රජයත්, ඉන්දීය අග්රාමාත්ය නරේන්ද්ර මෝදි මහතා ඇතුළු ඉන්දීය ජනතාවත්, ශ්රී ලංකාවට ලබා දුන් සහයට ස්තුතිය පුද කිරීමට මන්ත්රීවරයා එහිදී කටයුතු කර තිබූ බව ඒ මහතාගේ මාධ්ය ඒකකය නිකුත් කළ නිවේදනයේ සඳහන්.
විශේෂයෙන්ම ආපදාවට ලක් වූ ජනතාව මුදා ගැනීමේ මෙහෙයුම්වලට ලබාදුන් සහය සහ පසු ආපදා තත්ත්වයේදී අත්යවශ්ය සේවා, ආහාර, ඖෂධ පරිත්යාග කිරීමත්, මේ මෙහොතේත් සිදු කරමින් යන මහා මාර්ග පිළිසකර කිරීම් හා තාවකාලික පාලම් ඉදිකිරීමේ කටයුතු හරහා ජන ජීවිතය යථා තත්ත්වයට පත් කිරීමට ලබාදෙන දායකත්වය පිළිබඳවත් කාවින්ද ජයවර්ධන මහතා ඇගයීමට ලක් කර තිබෙනවා.
තවද ඉන්දීය අග්රාමාත්යවරයාගේ උපදෙස් පරිදි, එරට විදේශ කටයුතු අමාත්ය ආචාර්ය එස්. ජයශංකර් මහතා විසින් ලංකාවට පිරිනැමූ ඩොලර් මිලියන 450ක් මුල්ය පහසුකම් පිළිබඳවත් කෘතවේදීත්වය ඵල කළ මන්ත්රීවරයා, නරේන්ද්ර මෝදි අග්රාමාත්යවරයා වෙත ලබාදීමට සඳහා විශේෂ ලිපියක්ද මෙරට ඉන්දියානු මහ කොමසාරිස් සන්තෝෂ් ජා මහතා වෙත භාරදී තිබෙනවා.
අසල්වැසියා පළමුව යන සංකල්පය අනුව ඉන්දියාව ඕනෑම අවස්ථාවක ශ්රී ලංකාවට උපකාර කිරීමට බලාපෙරොත්තු වන බව මෙහිදී ඉන්දීය මහකොමසාරිස්වරයා පවසා තිබුණා.
