ඉදිරි පැය 24 සඳහා බලපැවැත්වෙන පරදි කාලගුණ විද්යා දෙපාර්තමේන්තුව විසින් අද උදෑසන 3.30ට තද සුළං සහ මුහුද රළුවීම පිළිබඳ අනතුරු ඇඟවීමේ රතු නිවේදනයක් නිකුත් කර තිබෙනවා.
ඒ අනුව අරාබි මුහුද ප්රදේශයේ ක්රියාකරන බහුදින ධීවර සහ නාවික ප්රජාවන්ට වඩාත් සැලකිලිමත් වන ලෙස ද එම දෙපාර්තමේන්තුව දැනුම්දෙනවා.
මේ හේතුවෙන් ඉතා තද සුළං ඇති විය හැකි බවත් මුහුදු ප්රදේශ ඉතා රළු විය හැකි බවත් එම නිවේදනයේ සඳහන් වෙනවා.
මේ අතර බස්නාහිර, සබරගමුව සහ වයඹ පළාත්වලත් මහනුවර, නුවරඑළිය, ගාල්ල සහ මාතර දිස්ත්රික්කවලත් විටින් විට වැසි ඇති වන බව ද කාලගුණවිද්යා දෙපාර්තමේන්තුව පවසනවා.
මාතලේ සහ හම්බන්තොට දිස්ත්රික්කවල වැසිවාර කිහිපයක් ඇතිවිය හැකියි.
මධ්යම කඳුකරයේ බටහිර බෑවුම් ප්රදේශවලත්, උතුරු, උතුරු-මැද සහ වයඹ පළාත්වලත් ත්රිකුණාමලය, හම්බන්තොට සහ මොනරාගල දිස්ත්රික්කවලත් විටින් විට හමන පැ.කි.මී. 40-50ක පමණ තද සුළං ඇති වන බව කාලගුණ විද්යා දෙපාර්තමේන්තුව සඳහන් කරනවා.
