වසර කීපයකට පසුව දඹුල්ල විශේෂිත ආර්ථික මධ්යස්ථානයේ එළවලු මිල විශාල වශයෙන් පහත බැස තිබෙනවා.
කැකිරි, පිපිඤ්ඤා රාබු කිලෝවක් තොග මිල රු 20ත් 25ත් අතර බෝංචි, මෑකරල්, පතෝල, බණ්ඩක්කා, හා බෝල බටු කිලෝවක් රු. 50ත් 55ත් අතර මිළකට අලෙවි වනු දක්නට ලැබෙනවා.
පසුගිය දා (04) පැවැති මිළ ගණන් අනුව උඩරට එළවලු වර්ග විශේෂයෙන් කැරට් රු. 300ක් ලීක්ස් රු. 140 වැනි මිල ගණන් දක්නට ලැබුණා.
පසුගිය දින කිපයේදී ගෝවා සදහා ඉහළ මිලත් නියම වී තිබුණද මේවන විට ගෝවා තොග මිලද රු.80ක් දක්වා අඩුවී තිබෙනවා.
වෙනත් වසරවලට සාපෙක්ෂව වට්ටක්කා සදහා ඉහළ මිලක් නියම වී තිබේ. මැලේෂීයන් වට්ටක්කා කිලෝවකට 140ක් වැනි මිලකට අලෙවි වනු දක්නට ලැබෙන අතර වම්බටු හා කරවිල රු. 100ක මිලක් තීරණය වි තිබු අතර දඹල කිලෝවක් රු. 200 වැනි මුදලකට අලෙවි වනු දක්නට ලැබෙනවා.
එළවලු තොග විශාල වශයෙන් ලැබීමත් සමග එලවලු මිල ගණන් පහත ගෙස් ඇති බව වාර්තා වෙනවා.
:රජයේ ප්රවෘත්ති දෙපාර්තමේන්තුව (දිස්ත්රික් මාධ්ය ඒකකය – මාතලේ)
