ලෝක ශූර කැන්ගරුවන්ට එරෙහිව වසර 27කට පසු කොදෙව්වන්ට ජය ගෙනා, හිටපු ආරක්ෂක නිලධාරි නවක ක්‍රිකට් තරුව – ශමාර් ජෝෂප්

වසර 27 කට පසු ඕස්ට්‍රේලියාවේදී, කොදෙව් කණ්ඩායමක් ඕස්ට්‍රේලියාවට එරෙහිව ටෙසට් තරගයක් ජය ගැනීමට ඊයේ (28) සමත් වුණා.

එහිදී විශිෂ්ට පන්දු යැවීමක නිරත වූ කොදෙව් නවක ක්‍රීඩක Shamar Joseph ලකුණු 68 කට ඕස්ට්‍රේලියාවේ කඩුලු 07ක් බිඳ දැමුවා.

ඒ පන්දුවාර 11 යි පන්දු 5ක් තුළදී.

සිය මංගල ටෙස්ට් තරගාවළිය ක්‍රීඩා කරන Joseph ඇඟිල්ලක අබාධයක් සහිතව සිටියදී මෙම දක්ශතාවය දැක්වීම විශේෂත්වයක්.

ඒ අනුව ඔහු සිය මංගල ටෙස්ට් තරගාවලියේ දී ලබා ගත් කඩුලු සංඛ්‍යාව 13ක්.

කොදෙව්වන්ට එරෙහි පළමු ඉනිම ක්‍රීඩා කළ ඕස්ට්‍රේලියාව ලකුණු 193කට සියලුදෙනා දැවී ගියා.

ඒ අනුව තරගාවලියේ ජය සොයා ලකුණු 216ක ඉලක්කයක් හබා යෑමට පිටියට පිවිසි ප්‍රබල ඕස්ට්‍රේලියාවේ බලාපොරොත්තු Shamar Josephගේ පන්දු යැවීම හමුවේ සුනුවිසුනු වී ගියා.

එහිදී හුදෙකලා ඉනිමක් ක්‍රීඩා කළ Steven Smith පන්දු 146කින් ලකුණු 91 ක් රැස් කළා.

කෙසේ වෙතත් ඕස්ට්‍රේලියාවට ලබා ගත හැකි වුයේ ලකුණු 207ක් පමණයි.

ඒ අනුව ලකුණු 8ක තියුණු සහ ඓතිහාසික ජයක් කොදෙව්වන්ට හිමුවුණා.

ඒ අනුව තරගයේ වීරයා සහ තරගාවලියේ වීරයා යන සම්මාන ද්විත්වයම Shamar Joseph විසින් දිනා ගත්තා.

ගයනාවේ දුෂ්කර ගමක උපත ලබා ඇති 24 වන වියෙහි පසුවන Shamar Joseph ක්‍රීකට් ක්‍රීඩාව හා සම්බන්ධ වීමට පෙර ආරක්ෂක නිලධාරියෙකු ලෙස සේවය කර තිබෙනවා.