පැරිසියේ ලූවර් කෞතුකාගාරයේ තැන්පත් කර ඇති ලෝක ප්රකට “මොනාලිසා” සිතුවම වෙතට විරෝධතාකරුවන් පිරිසක් විසින් සුප් ප්රහාරයක් එල්ල කර තිබෙනවා.
විදුරුවලින් ආරක්ෂා කර ඇති මොනාලිසා සිතුවමට තැඹිලි පැහැති සුප් ඉසිමින් ඔවුන් “සෞඛ්ය සම්පන්න තිරසාර ආහාර සඳහා වන අයිතිය” ඉල්ලා සිටි බවයි විදෙස් මාධ්ය වාර්තා කළේ.
කෙසේ වෙතත් වෙඩි නොවදින ආකාරයට ආවරණය කර ඇති එම සිතුවමට මෙම ප්රහාරයෙන් හානියක් සිදුව නැහැ.
විරෝධතාව දක්වමින් කාන්තාවන් දෙදෙනෙකු විසින් තැබිලි පැහැති සුප් සිතුවමට විසිකර තිබුණා.
සිතුවම දෙසට සුප් විසි කළ විරෝධය දැක්වූ කාන්තාවන් දෙදෙනා ප්රකාශ කර ඇත්තේ මෙවන් අදහසක්..
“වඩා වැදගත් වන්නේ – කලාව හෝ සෞඛ්ය සම්පන්න තිරසාර ආහාර සඳහා ඇති අයිතිය? අපේ කෘෂිකාර්මික පද්ධතිය අසනීපයි. අපේ ගොවීන් රැකියාවේදී මිය යනවා.”
16 වන සියවසේ දී ලියනාඩෝ ඩාවින්චි විසින් නිර්මාණය කළ විශිෂ්ටතම නිර්මාණයක් ලෙස සැලකෙන “මොනාලිසා” සිතුවම පරිසර ක්රියාකාරීන් තම ඉලක්කය කර ගත් පළමු අවස්ථාව මෙය නොවන බව විදෙස් මාධ්ය පවසනවා.
මේ වන විට “මොනාලිසා” සිතුවම තැන්පත් කර ඇති කාමරය විවෘත කර ඇති අතර කෞතුකාගාරයේ තිබූ සියල්ල සාමාන්ය තත්ත්වයට පත්ව ඇති බව වැඩිදුරටත් වාර්තා වෙනවා.
එම දර්ශන: https://fb.watch/pS7MbSy-rw/
