ගත වූ පැය 24 තුළ යුක්තිය මෙහෙයුමට අදාළව සිදුකළ වැටලීම්වලදී මත්ද්රව්ය වැරදි සම්බන්ධ සැකකරුවන් 638 ක් සහ අපරාධ අංශ වෙත යොමු කළ ලැයිස්තුවේ සිටි සැකකරුවන් 325 ක් සමග මුළු සැකකරුවන් 963 දෙනෙකු අත්අඩංගුවට ගෙන තිබෙනවා.
මත්ද්රව්ය වැරදි සම්බන්ධ අත්අඩංගුවට ගත් සැකකරුවන් 638 දෙනා අතරින් සැකකරුවන් 10 කට රැදවුම් නියෝග මත වැඩිදුර විමර්ශන සිදුකරන අතර, පුනරුත්තාපනය සදහා යොමු කර ඇති මත්ද්රව්ය වලට ඇබ්බැහිවුවන් ගණන 8ක්.
මේ අතර පොලිස් මත්ද්රව්ය නාශක කාර්යංශය සහ පොලිස් විශේෂ කාර්යංශයේ ලැයිස්තුවේ සිටි සැකකරුවන් 25 ක්ද අත්අඩංගුවට ගෙන තිබෙනවා.
එසේම, අපරාධ අංශ වෙත යොමු කළ ලැයිස්තුවේ අත්අඩංගුවට ගත් සැකකරුවන් 325 දෙනා අතරින් මත්ද්රව්ය වැරදි සම්බන්ධව විවෘත වරෙන්තු නිකුත්ව සිටි සැකකරුවන් 66 ක් සහ මත්ද්රව්ය නොවන වැරදි සම්බන්ධව විවෘත වරෙන්තුකරුවන් 228 ක් ද වෙනවා.
ඇගිලි සටහන් මාධ්යයෙන් හදුනාගෙන අත්අඩංගුවට ගෙන නොමැතිව සිටි සැකකරුවන් 20 ක් සහ අපරාධ වලට අවශ්ය කරන සැකකරුවන් 11 ක්ද අත්අඩංගුවට පත්වූ බව පොලිසිය පවසනවා.
වැටලීම්වලදී අත්අඩංගුවට ගෙන අති මත්ද්රව්ය ප්රමාණයන් පහතින්,
හෙරොයින් 300 g
අයිස් 172 g
ගංජා 530 g
ගංජා පැල 99,209 ක්
මාවා 336g
මදන මෝදක 314g
මත්පෙති 24,083ක්
