2004 වසරේ අදවැනි දිනක සිදුවූ සුනාමී ඛේදවාචකයේ දී පැරෑලිය දුම්රිය අනතුරින් මියගිය දුම්රිය මගීන් සහ සේවකයින් සිහිපත් කිරීමේ අරමුණින් අද (26) උදෑසන දුම්රියක් කොළඹ කොටුවෙන් බෙලිඅත්ත බලා ධවනය වී තිබෙනවා.
දුම්රිය මරදාන දුම්රිය ස්ථානයෙන් පෙරවරු 6.25ට පිටත්ව ඇති අතර කොළඹ කොටුව දුම්රිය ස්ථානයෙන් 6.50ට පිටත් වූ බව සඳහන් වෙනවා.
මෙම දුම්රිය පැරෑලිය දුම්රිය ස්ථානයේදී විනාඩි 10ක පමණ කාලයක් නවත්වා සුනාමි සැමරුම් ස්ථානයේ පුෂ්පෝපහාර දැක්වීමට නියමිතයි.
2004 වර්ෂයේ සුනාමි අනතුරට පත් වූ දුම්රිය ඇන්ජිම වන 591 දුම්රිය ඇන්ජිම එලෙස ගමන් අරඹා තිබීම විශේෂත්වයක්.
