තමාට අවශ්ය මෙරට ක්රිකට් ක්රීඩාව නැවත ජයග්රහණය කරවීමට බව ජනාධිපති රනිල් වික්රමසිංහ මහතා පවසනවා.
රටේ කඩාවැටුණු ආර්ථිකය යළි ගොඩනැඟීමට හැකි නම් ක්රිකට් ක්රීඩාව ද යළි නගාසිටුවිය හැකි බව ජනාධිපතිවරයා අවධාරණය කර සිටිනවා.
ජනාධිපතිවරයා මේ බව සඳහන් කළේ මාධ්ය ආයතන ප්රධානීන් සමඟ ඊයේ (14) ජනාධිපති කාර්යාලයේ පැවති හමුවක දී මාධ්යවේදියෙකු නැගු ප්රශ්නයකට පිළිතුරු දෙමින්.
මේ අතර පනවා ඇති ජාත්යන්තර ක්රිකට් කවුන්සිලයේ (ICC) තහනම ඉවත් කිරීමට අදාළ කටයුතු මෙහෙයවීමත්, යම් ක්රිකට් තරගාවලියක් ශ්රී ලංකාවට අහිමි වීමේ අවදානමක් පවතින්නේ නම් ඒ පිළිබඳව සාකච්ඡා කර තීරණ ගැනීමේ බලයත් විදේශ අමාත්ය අලි සබ්රි මහතාගේ ප්රධානත්වයෙන් යුත් අමාත්ය අනු කමිටුව වෙත පැවරීමට ජනාධිපතිවරයා පසුගිය දා කටයුතු කළා.
එමෙන්ම මින් ඉදිරියට අතුරු කමිටු පත් කරන්නේ නම් ඊට කැබිනට් මණ්ඩලයේ අනුමැතිය අත්යාවශ්ය බවයි කැබිනට් මණ්ඩලය එහිදී තීරණය කළේ.
