ලබන වසරේ අනිවාර්යයෙන්ම මහ මැතිවරණයක් හෝ ජනාධිපතිවරණයක් පැවැත්වෙන බව සබරගමුව පළාත් ආණ්ඩුකාර නවීන් දිසානායක මහතා පවසනවා.
ව්‍යවස්ථානුකූලව මැතිවරණයක් පැවැත්වීම අනිවාර්යය බැවින් එයින් ඉවත්ව තීරණයක් ගැනීමට කිසිවෙකුට නොහැකි බව ඔහු සඳහන් කළා.
ආණ්ඩුකාරවරයා මෙම අදහස් පළ කළේ ඊයේ (18) ඇඹිලිපිටියේ දී පැවති රැස්වීමක් අමතමින්.
එතෙක් පටු දේශපාලනය අමතක කර රට ඉදිරියට ගෙන යෑම සඳහා සියලුදෙන අත්වැල් බැඳගත යුතු බව ඒ මහතා වැඩිදුරටත් අවධාරණය කර සිටියා.
