මෙරට ගංජා භාවිත කරන පිරිස තවදුරටත් ඉහළ ගොස් තිබෙන බව අන්තරායකර ඖෂධ පාලක ජාතික මණ්ඩලය සඳහන් කළා.
එම පිරිස ලක්ෂ තුනේ සිට ලක්ෂ තුනහමාරක් දක්වා ඉහළ ගොස් ඇති බව අන්තරායකර ඖෂධ පාලක ජාතික මණ්ඩලය පවසනවා.
දුම්කොළ භාවිත කරන පුද්ගලයින් පිරිස ලක්ෂ 15 ක් පමණ වන බව අන්තරායකර ඖෂධ පාලක ජාතික මණ්ඩලය දැනුම් දෙනවා.
මේ අතර, අන්තරායකර ඖෂධ පාලක ජාතික මණ්ඩලය පැවසුවේ ශ්‍රී ලංකාවට ගැලපෙන මත්ද්‍රව්‍ය සම්බන්ධයෙන් වන ජාතික ප්‍රතිපත්තියක් සැකසීම සඳහා වන සාකච්ඡාවක් ලබන 4 වැනිදා පැවැත්වෙන බවයි.
