‘ඇඩ්‍රස් නෑ චිත්‍රපටියේ’ ගීතයකට සන්තුෂ්ට ඇඩ්‍රස් නැතිවෙයි..

‘ඇඩ්‍රස් නෑ චිත්‍රපටියේ’ මේ බජාර් එකට මල්ලී ගීතය ප්‍රතිනිර්මාණය කර වෙළඳ දැන්වීම්වලට යොදා ගැනීම සහ සමාඊ මාධ්‍ය තුළ මුදාහැරීම වළකාලමින් අධිකරණය විසින් අතුරු නියෝගයක් කොළඹ වාණිජ මහාධිකරණය විසින් නිකුත් කර තිබෙනවා.

මහාචාර්ය සුනිල් ආරියරත්න මහතා පද රචනය කළ එම ගීතය සංගීතවත් කළ රෝහණ වීරසිංහ මහතා විසින් සන්තුෂ් වීරමන්, සරිගම මියුසික්, සරිගම ෆිල්ම්ස් ඇතුළු වික්තිකාර ආයතන කිහිපයකට එරෙහිව ගොනු කර තිබූ පැමිණිල්ලක් සලකා බැලූ අධිකරණය විසින් එම තීරණය ලබා දී තිබේ.

ආර්ථික අයිතිවාසිකම් හා බුද්දිමය දේපළ උල්ලංඝනය කරමින් අදාළ වික්තිකරුවන් විසින් එම ගීතය භාවිත කර ඇති බවට ගොනුකර තිබූ පැමිණිල්ල සලකා බැලූ අධිකරණය විසින් ගීතය කුමන ආකාරයෙන් හෝ ප්‍රතිනිර්මාණය කිරීම, සෘජුව හෝ වක්‍රව වෙළඳ දැන්වීම් සඳහා යොදා ගැනීම හා පිටපත් නිර්මාණය කිරීම වළක්වාලමින් නියෝගය නිකුත් කර ඇත.

ජැක්සන් ඇන්තනී මහතා අධ්‍යක්ෂණය කළ ‘ඇඩ්‍රස් නෑ’ චිත්‍රපටිය සඳහා නිර්මාණය කළ ‘මේ බජාර් එකට මල්ලී..’ ගීතය ගයාන් පෙරේරා මහතා විසින් ගායනා කර තිබුණා.