අලෙවි නොකර සඟවා තබාගෙන සිටි බිත්තර 15,000කට අධික තොගයක් පාරිභෝගික කටයුතු පිළිබඳ අධිකාරිය අද(12) සොයාගෙන තිබෙනවා.
ඒ, කොළඹ, මරදාන, මරියකඩේ ප්රදේශයේ වෙළෙඳසැලකින්.
අනතුරුව සඟවා ගෙන සිටි බිත්තර තොගය රුපියල් 44 ක මිලකට එම වෙළඳසැල ඉදිරිපිට තබා අලෙවි කිරීමට පාරිභෝගික කටයුතු පිළිබඳ අධිකාරිය කටයුතු කළා.
බිත්තර තොග සඟවා ගෙන හා වැඩි මිලට අලෙවි කරන වෙළඳුන් සොයා තවදුරටත් වැටලීම් සිදුකරන බව පාරිභෝගික කටයුතු පිළිබඳ අධිකාරිය පවසනවා.


