බණ්ඩාරවෙල – පූනාගල, නායයෑමකින් පුද්ගලයින් 300ක් අවතැන් වෙයි

ඊයේ (19) රාත්‍රියේ ඇද හැලුණු අධික වර්ෂාවත් සමඟ බණ්ඩාරවෙල – පූනාගල, වතු නිවාස සහිත ප්‍රදේශයක් නායයෑමට ලක් ව තිබෙනවා.

නයයෑමෙන් වතු නිවාස කිහිපයක් සහ වෙළඳසැලක් සම්පූර්ණයෙන් විනාශ වී ඇති අතර පුද්ගලයින් 300 දෙනෙකු පමණ අවතැන්වී ඇති බව වාර්තා වෙනවා.

ඊයේ පස්වරුවේ ඇඳ හැලුණු අධික වර්ෂාවත් සමඟ රාත්‍රී 8.00ට පමණ පැමිණි විශාල ජල පහරක් සමඟ සේදී ආ ගල් සහ මඩ නිසා ප්‍රදේශයේ නිවාස රැසකට හානි සිදුව තිබේ.

තුවාල ලැබූ පුද්ගලයින් 07 දෙනෙකු කොස්ලන්ද රෝහලට ඇතුළත් කර ඉන් බරපතල තත්වයේ පසුවූ පුද්ගලයන් පස් දෙනෙකු දියතලාව මූලික රෝහලටත් මාරු කර යවා ඇත.

නායයෑමෙන් තවත් පුද්ගලයින් දෙදෙනෙකු අතුරුදන්ව ඇති බව වැඩිදුරටත් වාර්තා වෙනවා.