විදුලි බල මණ්ඩලය අතීතයේ සිට ලබා ඇති පාඩු පියවා ගැනීම සඳහා විදුලි බිල වැඩිකරනවා යැයි කීම සම්පූර්ණයෙන්ම ප්රතික්ෂේප කරන බව විදුලි බල හා බලශක්ති අමාත්ය කාංචන විජේසේකර මහතා පවසනවා. පාඩු පියවා ගැනීමට විදුලි බිල වැඩි කරනවා නම් මීට වඩා විශාල ප්රමාණයකින් වැඩි කළ යුතු බව අමාත්යවරයා පැවසුවා.
විදුලි බිල වැඩිකරන්නේ 2023 වර්ෂයේ විදුලි උත්පාදන වියදම පියවා ගැනීමට මිසක් විදුලි බල මණ්ඩලයේ පාඩු පියවා ගැනීමට නොවන බව අමාත්යවරයා ප්රකාශ කළා.
2023 වසරේදී ගණන් බලා ඇති ආකාරයට විදුලිය උත්පාදනය, සම්ප්රේෂණය සහ බෙදාහැරීම සඳහා යන මූලික වියදම පියවා ගැනීමට විදුලි ඒකකයක් සඳහා රුපියල් 48.42 ක් වැය වන බව අමාත්යවරයා පෙන්වා දෙනවා.
සමාන්ය විදුලි ඒකකයක් සඳහා ගණන් බලා ඇති වියදම රුපියල් 48.42 ක් වූවත් දැනට විදුලි ඒකකයක් සඳහා අයකරන මුදල රුපියල් 29.14 ක් වීම නිසා නිසා රුපියල් බිලියන 278 ක පමණ හිඟයක් ඇතිව ඇති බව අමාත්යවරයා පෙන්වා දෙනවා. එම රුපියල් බිලියන 278 හිඟය පියවා ගැනීම සඳහා පමණක් විදුලි ගාස්තු සංශෝධනය සිදු කරන බව අමාත්යවරයා වැඩිදුරටත් ප්රකාශ කළා.
එලෙස විදුලි බිල වැඩි නොකර සිටිනවා නම් පැය කිහිපයක විදුලි කප්පාදුවක් එක්ක ජන ජීවිතය ගොඩ නඟා ගත යුතු බව අමාත්යවරයා වැඩිදුරටත් ප්රකාශ කර සිටිනවා.
නේපාලයේ ඇති වූ විනාශකාරී ගංවතුර තත්ත්වය හේතුවෙන් සිදුව ඇති ඛේදජනක ජීවිත හානි පිළිබඳව ජනාධිපති අනුර…
හංසවතී නගරයේ අගරජ වූයේ ආනන්ද නම් රජෙකි. සුමන කුමරු ආනන්ද රජුගේ දෙටු පුත්රයාය. විජිතයේ හටගත්…
ශ්රී ලංකාවේ ගුවන් විදුලියක් හෝ රූපවාහිනියක් අසල, කවුරුත් නැති කාමරයක තනිව සිටියත්, පවුලේ අයත් සමඟ…
ශ්රී ලාංකීය කෘෂිකර්මාන්තයේ නව්ය කරනයේ රන් සලකුණ වන ceylon green life plantation පුද්ගලික සමාගම තම…
උපුටා ගැනීම විනිසුරුවරුන්ගේ විශ්රාම වයස වැඩිකිරීමේ ව්යවස්ථා සංශෝධනය අනාගතය සඳහා මිස දැනට ධූරයේ සිටින විනිසුරුවරුන්…