ලෝක කුසලානයේ සුදුසුකම් ලැබීමේ තරගාවලියේ සුපර් හය දෙනාගේ වටය ආරම්භ කරමින් අද සත්කාරක සිම්බාබ්වේ සහ ඕමානය තරග බිමට පිවිසියා.
එම තරගය ලකුණු 14 කින් ජය ගැනීමට සිම්බාබ්වේ කණ්ඩායම මීට සුළු මොහොතකට පෙර සමත් වුණා.
කාසිය වාසිය දිනු ඕමාන කණ්ඩායමේ ආරාධනයෙන් පළමුව පන්දුවට පහරදුන් සිම්බාබ්වේ කණ්ඩායම නියමිත පන්දුවාර 50 අවසානයේ කඩුලු 07 ක් දැවී ලකුණු 332ක් රැස් කළා.
පන්දුවට පහරදීමේදී සිම්බාබ්වේ කණ්ඩායම වෙනුවෙන් සුපිරි ඉනිමක් ක්රීඩා කළ Sean Williams පන්දු 103කදී ලකුණු 142ක් රැස් කළා.
luke Jongwe නොදැවී ලකුණු 48 (28) ක් සහ Sikandar Raza ලකුණු 42 (49) ක් වශයෙන් රැස් කළා.
පිළිතුරු ඉනිම ක්රීඩා කළ ඕමානය කණ්ඩායම සිය පන්දුවාර 50 අවසානයේ කඩුලු 09ක් දැවී රැස් කළේ ලකුණු 318ක් පමණයි.
ඕමානය වෙනුවෙන් සතකයක් වාර්තා කිරීමට Kashyap Prajapati සමත් වුණා.
ඔහු පන්දු 97 කින් ලකුණු 103ක් රැස් කරමින් එම සතකය වාර්තා කළා.
