දේශීය

පොලිස් කොමිසමේ හැසිරීම ආණ්ඩු ක්‍රම ව්‍යවස්ථාවට කරන අපහාසයක්

ජාතික පොලිස් කොමිසමේ ප්‍රධානීන්ගේ හැසිරීම ආණ්ඩුක්‍රම ව්‍යවස්ථාවට කර ඇති අපහාසයක් බව සාධාරණ සමාජයක් සඳහා වන ජාතික ව්‍යාපාරය පවසනවා.

පොදු ජන පෙරමුණේ හිටපු ජාතක සංවිධායක බැසිල් රාජපක්ෂ මහතා යළි මෙරටට පැමිණෙන අවස්ථාවේදී ඔහු පිළිගැනීම සඳහා ජාතික පොලිස් කොමිසමේ සභාපතිවරයා ඇතුළු සමාජියයන් කටයුතු කළ ආකරාය පාර්ලිමේන්තුවේ අවධානයට යොමු විය යුතු බව ඔවුන් ප්‍රකාශ කරනවා.

තම ආයතනයන් දේශපාලනීකරණයෙන් මුදා කටයුතු කිරීමට ආණ්ඩුක්‍රම ව්‍යවස්ථාවට අනුව කොමිෂන් සභා සාමාජිකයන්ට විදිවිධානයන් පනවා තිබියදී, රටේ දේශපාලන පක්ෂයක ජාතික සංවිධායකවරයෙකු පිළිගැනීමට පොලිස් කොමිසම ඉදිපත් වීම පැහැදිලිවම පක්ෂ දේශපානයට අනුගතවීමක් බව එම සංවිධානය පෙන්වා දෙනවා.

පොලිස් කොමිෂන් සභාව පසුගිය කාලය තුළ දී ගත් ඇතැම් ක්‍රියාමාර්ග පිළිබඳව සමාජය තුළ බලවත් සැක සංකා උපදවා ඇති බව සාධාරණ සමාජයක් සඳහා වන ජාතික ව්‍යාපාරය පවසනවා.

පොලිස් කොමිෂමේ සභාපිතිවරයා ඇතුළු සාමාජිකයන්ගේ මෙවැනි හැසිරිම් තුළින් පොලිස් කොමිසමේ ස්වාධීනත්වයට බරපතල සරදමක් සිදු කර ඇති බව සංවිධානය පවසනවා. පාර්ලිමේන්තුව හරහා ස්වාධීනව ස්ථාපනය කරන ලද කොමිෂන් සභාවක් එලෙස කටයුතු කිරීම පාර්ලිමේන්තුවට ද කරන ලද අවමානයක් බවයි ඔවුන් පෙන්වා දෙන්නේ. එමගින් අපහාසය සිදුව ඇත්තේ රටේ ආණ්ඩුක්‍රම ව්‍යවස්ථාවට බව ඔවුන් ප්‍රකාශ කරනවා.

එනිසා මෙම තත්වය තේරුම් ගෙන තමන් දරමින් සිටින තනතුරු වලින් පොලිස් කොමිෂමේ අදාළ සාමාජකයන් ඉවත්විය යුතු බවයි සාධාරණ සමාජයක් සඳහා වන ජාතික ව්‍යාපාරය පැවසුවේ. එසේ නොවන්නේ නම් පාර්ලිමේන්තුව විසින් එවැනි නිලධාරීන්ට එරෙහිව පියවර ගත යුතු බව ඔවුන් අවධාරණය කර සිටියා.

Recent Posts

සමූපකාර තොග වෙළෙඳ සංස්ථාවේ ප්‍රථම තොග අලෙවි මධ්‍යස්ථානය අද මාතරදී විවෘත කෙරේ

සමූපකාර තොග වෙළෙඳ සංස්ථාවේ (ජාතික සතොස) ප්‍රථම තොග අලෙවි මධ්‍යස්ථානය අද (11) මාතරදී විවෘත කිරීමට…

6 days ago

රඹෑව බස් අනතුරෙන් 5 දෙනෙකු මරුට

 රඹෑව ප්‍රදේශයේදී බස් 3ක් ගැටී සිදුවූ අනතුරෙන් 5 දෙනෙකු මියගොස් තිබේ. අනතුරට ලක් වුණේ, ලංගම…

7 days ago

Anyone Can Post, But Should Everyone Be Believed?

One Lie is Small. A Pyramid of Them Looks Like the Truth. By Dinesh Abeywickrama…

7 days ago

ආසියා ශාන්තිකර කලාපීය විද්‍යුත් විකාශකයින්ගේ සංගමයේ මහා සමුළුවේ සමාරම්භක උත්සවය ජනපති ප්‍රධානත්වයෙන්

කැපිටල් මහාරාජා සභාපති ශෂී රාජ මහේන්ද්‍රන් හා කැපිටල් මහාරාජා සමූහ අධ්‍යක්ෂ ෂෙවාන් ඩැනියෙල් සමඟ ජනපති…

2 weeks ago

ජ්‍යෙෂ්ඨ නීතිඥ ලාල් විජේනායකගේ දේහයට ජනපති අවසන් ගෞරව දක්වයි

ශ්‍රී ලංකාවේ ජ්‍යෙෂ්ඨ වාමාංශික දේශපාලන ක්‍රියාකාරිකයෙකු සහ ජාතික ජන බලවේගයේ (NPP) විධායක සභික අභාවප්‍රාප්ත ජ්‍යෙෂ්ඨ…

2 weeks ago

ප්‍රදේශ කිහිපයක අදත් හවසට වැස්ස

බස්නාහිර, සබරගමුව, මධ්‍යම, ඌව සහ දකුණු පළාත්වල සහ කුරුණෑගල, අම්පාර සහ මඩකළපුව දිස්ත්‍රික්කවල පස්වරු 1.00…

2 weeks ago