අන්තර්ජාල ගැටලු ඇති දරුවන්ට ග්‍රාමීය සන්නිවේදන මධ්‍යස්ථාන

 සන්නිවේදන පහසුකම් නොමැතිකමින් ගස් උඩ, ගල් උඩ, වැව්
තාවුලුවල සිටින දරුවන්ට එම දුෂ්කරතා මගහැරීම සඳහා සති දෙකක්
ඇතුළත ග්‍රාමීය සන්නිවේදන පහසුකම් මධ්‍යස්ථාන පිහිටුවන බව තරුණ හා ක්‍රීඩා ඇමති සහ ඩිජිටල් හා ව්‍යවසාය සංවර්ධන රාජ්‍ය ඇමති නාමල් රාජපක්ෂ මහතා ඊයේ (21) රජයේ ප්‍රවෘත්ති දෙපාර්තමේන්තුවේ පැවති ප්‍රවෘත්ති සාකච්ඡාවකට එක්වෙමින් අවධාරණය කළේය.
පාසලක්, මහින්දෝදය විද්‍යාගාරයක්, නැණසලක්, ආගමික ස්ථානයක්, ප්‍රජාශාලාවක් හෝ පුස්තකාලයක් හෝ පෞද්ගලික අංශයේ දානපතියෙක් මැදිහත්ව ලබාදෙන මධ්‍යස්ථානයක් තුළ පරිගණක හෝ ටැබ් උපරිම 10ක් සහිතව මෙම ග්‍රාමීය සන්නිවේදන පහසුකම් මධ්‍යස්ථානය පිහිටුවීමට නියමිතය.
අදාළ මධ්‍යස්ථාන ඔස්සේ උදෑසන සිට සවස්වනතුරු ඊ-තක්සලාව හරහා
අධ්‍යාපනය හැදෑරීමේ අවකාශය දරුවන්ට ලබාදෙන බව කියා සිටි ඇමතිවරයා එම දරුවන්ගේ වැඩිදුර අධ්‍යාපනයට වියදම් වන දත්ත (ඩේටා) සඳහා වැය වන මුදල් රජය දරණ බවද පැවසීය.