අභාවප්රාප්ත හිටපු නියෝජ්ය අමාත්ය පාලිත තෙවරප්පෙරුම මහතාගේ දේහය පිළිබඳ අවසන් කටයුතු අද (19) පස්වරුවේ සිදු කිරීමට නියමිතයි.
ඒ අද පස්වරු 02.00ට මතුගම යටදොලවත්ත ප්රදේශයේ පිහිටි ඒ මහතා ගේ නිවසේ දී ආගමික කටයුතු සිදු කිරීමෙන් අනතුරුව යි.
තෙවරප්පෙරුම මහතා ජීවත්ව සිටියදී ඔහු විසින්ම සකස් කළ සුසානයේ දී දේහය මිහිදන් කරන බවයි පවුලේ ඥාතීන් පැවසුවේ.
පසුගිය 16 වනදා පාලිත තෙවරප්පෙරුම මහතා විදුලි සැර වැදීමක් හේතුවෙන් හදිසියේ ජීවිතක්ෂයට පත් වුණා.
මියයන විට ඒ මහතා 64 වන වියෙහි පසුවුණා