නුවරඑළිය තැපැල් කාර්යාල ගොඩනැගිල්ල වෙනත් කටයුත්තක් සඳහා පවරා ගැනීමට එරෙහිව විරෝධතාවක් අද (09) පැවැත්වෙනවා.
ඒ නුවරඑළිය තැපැල් කාර්යාල ගොඩනැගිල්ල ඉදිරිපිට දී.
මෙම විරෝධතාව ඒකාබද්ධ තැපැල් වෘත්තීය සමිති පෙරමුණ ඇතුළු සංවිධාන කිහිපයක් විසින් සංවිධානය කර තිබෙනවා.
විරෝධතාව අද දහවල් 12.ට ආරම්භ වීමට නියමිතයි.
ටියුඩර් පන්නයේ ඔරලෝසු කණුවක් සහිතව 1894 දී පමණ බ්රිතාන්යන් විසින් ඉදිකර ඇති මෙම රතු ගඩොල් දෙමහල් ගොඩනැගිල්ල ශ්රී ලංකා තැපෑල වසර ගණනාවක සිට පවත්වා ගෙන යනු ලබයි.
එය හෝටලයක් බවට පත්කිරීම සඳහා රජය විසින් පවරා ගැනීමට එරෙහිව තැපැල් වෘත්තීය සමිති දින කිහිපයක සිට සිය විරෝධය දක්වා සිටිනවා.
ඒ එම ගොඩනැගිල්ලේ එෙතිහාසික වටිනාකම ආරක්ෂා කරමින් තැපැල් ගොඩනැගිල්ල පවරා නොගන්නා ලෙසත් ඒ වෙනුවට විකල්ප පියවරක් අනුගමනය කරන ලෙසත් ආණ්ඩුවට බලකරමින්.