එක්දින ක්‍රිකට් ලෝක කුසලාන තරගාවලියේ ශ්‍රී ලංකා කණ්ඩායම සහභාගී වන තවත් තරගයක් අද (16) පැවැත්වෙනවා.
ඒ ඕස්ට්‍රේලියානු කණ්ඩායමට එරෙහිවයි.
ශ්‍රී ලංකා කණ්ඩායමේ නිත්‍ය නායක දසුන් ශානක වෙනුවට කුසල් මෙන්ඩිස් අද කණ්ඩායම මෙහෙය වීමට නියමිතයි.
ඒ දසුන් ශානක ආබාධයකට ලක්ව සිටීම හේතුවෙන්.
තුන් ඉරියව් ක්‍රීඩක චාමික කරුණාරත්න දසුන් ශානක වෙනුවට අද තරගයට එක්වීමට නියමිතයි.
තරගය පස්වරු 02ට ආරම්භ වෙනවා. ඒ ඉන්දියාවේ Lucknow හිදී.
ශ්‍රී ලංකාවට මෙන්ම ඕස්ට්‍රේලියාවට ද අද තරගයේ ජයග්‍රහණය ඉතා වැදගත් වෙනවා. ඒ කණ්ඩායම් දෙකම තරගාවලියේ පෙර සහභාගී වූ තරග පරාජය වී තිබීම හේතුවෙන්.
