දේශීය

රුවන්වැලි මහාසෑයේ චූඩාමාණික්‍යයේ මැණික් වංචාවක් පිළිබඳ CIDයට පැමිණිල්ලක්

2020 වසරේ රුවන්වැලි මහාසෑය හි චූඩාමාණික්‍යය මාරු කිරීමේදී වටිනා මැණික් අතුරුදන් වූ බවට චෝදනා කරමින් ඒ පිළිබඳ සාධාරණ හා ස්වාධීන විමර්ශනයක් පවත්වන ලෙස ඉල්ලා අද අපරාධ පරීක්ෂණ දෙපාර්තමේන්තුව වෙත පැමිණිල්ලක් භාරදී තිබේ.

මෙම පැමිණිල්ල භාරදීම සඳහා සිව් හෙළ බොදු පවුර සංවිධානය නියෝජනය කරමින් මලියදේව හිමි, ඉසුරුපුර සිද්ධාර්ථ හිමි සහ සිවිල් ක්‍රියාකාරී දුලාන් සේනාධීර ඇතුළු පිරිසක් එක්ව සිටියහ.

ඔවුන් චෝදනා කළේ, 2020 වසරේ රුවන්වැලි මහාසෑයේ චූඩාමාණික්‍යය ඉවත් කර වෙනත් චූඩාමාණික්‍යයක් සවි කිරීමේදී පැරණි චූඩාමාණික්‍යයේ තිබූ ඉතා වටිනා මැණික් අතුරුදන් වූ බවයි.

එම සිද්ධිය සම්බන්ධයෙන් පල්ලේගම හේමරතන හිමි සහ විරංජිත් තාඹුගල මහතා ඇතුළු පිරිසකට එරෙහිව ස්වාධීන විමර්ශනයක් සිදුකර, වගකිවයුතු පුද්ගලයන් හඳුනාගෙන නීතිය ක්‍රියාත්මක කරන ලෙසද ඔවුන් ඉල්ලා සිටියහ.

එමෙන්ම, මෙම සිද්ධිය සම්බන්ධයෙන් මීට පෙරද පැමිණිලි ඉදිරිපත් කළද නිසි විමර්ශනයක් සිදු නොවූ බවට චෝදනා කළ ඔවුන්, වර්තමානයේ විශේෂ නිලධාරීන්ගේ කමිටුවක් පත්කර කඩිනමින් පරීක්ෂණ ආරම්භ කරන ලෙසද අපරාධ පරීක්ෂණ දෙපාර්තමේන්තුවෙන් ඉල්ලා සිටියහ.

මේ සම්බන්ධයෙන් චෝදනා එල්ල වී ඇති පාර්ශ්වයන්ගෙන් මෙතෙක් නිල ප්‍රතිචාරයක් ලැබී නොමැති අතර, චෝදනා අධිකරණයකින් ඔප්පු වී නොමැති බවද සඳහන් කළ යුතුය.

Recent Posts

සමූපකාර තොග වෙළෙඳ සංස්ථාවේ ප්‍රථම තොග අලෙවි මධ්‍යස්ථානය අද මාතරදී විවෘත කෙරේ

සමූපකාර තොග වෙළෙඳ සංස්ථාවේ (ජාතික සතොස) ප්‍රථම තොග අලෙවි මධ්‍යස්ථානය අද (11) මාතරදී විවෘත කිරීමට…

6 days ago

රඹෑව බස් අනතුරෙන් 5 දෙනෙකු මරුට

 රඹෑව ප්‍රදේශයේදී බස් 3ක් ගැටී සිදුවූ අනතුරෙන් 5 දෙනෙකු මියගොස් තිබේ. අනතුරට ලක් වුණේ, ලංගම…

1 week ago

Anyone Can Post, But Should Everyone Be Believed?

One Lie is Small. A Pyramid of Them Looks Like the Truth. By Dinesh Abeywickrama…

1 week ago

ආසියා ශාන්තිකර කලාපීය විද්‍යුත් විකාශකයින්ගේ සංගමයේ මහා සමුළුවේ සමාරම්භක උත්සවය ජනපති ප්‍රධානත්වයෙන්

කැපිටල් මහාරාජා සභාපති ශෂී රාජ මහේන්ද්‍රන් හා කැපිටල් මහාරාජා සමූහ අධ්‍යක්ෂ ෂෙවාන් ඩැනියෙල් සමඟ ජනපති…

2 weeks ago

ජ්‍යෙෂ්ඨ නීතිඥ ලාල් විජේනායකගේ දේහයට ජනපති අවසන් ගෞරව දක්වයි

ශ්‍රී ලංකාවේ ජ්‍යෙෂ්ඨ වාමාංශික දේශපාලන ක්‍රියාකාරිකයෙකු සහ ජාතික ජන බලවේගයේ (NPP) විධායක සභික අභාවප්‍රාප්ත ජ්‍යෙෂ්ඨ…

2 weeks ago

ප්‍රදේශ කිහිපයක අදත් හවසට වැස්ස

බස්නාහිර, සබරගමුව, මධ්‍යම, ඌව සහ දකුණු පළාත්වල සහ කුරුණෑගල, අම්පාර සහ මඩකළපුව දිස්ත්‍රික්කවල පස්වරු 1.00…

2 weeks ago