ටපු අමාත්ය බැසිල් රාජපක්ෂ මහතා අත්අඩංගුවට ගෙන අධිකරණයට ඉදිරිපත් කරන ලෙස නියෝග කරමින් මාතර සහ කොළඹ කොටුව මහේස්ත්රාත් අධිකරණ මඟින් වරෙන්තු නිකුත් කර තිබේ.
මාතර බ්රවුන්ස් හිල් ප්රදේශයේ ඉඩමක් මිල දී ගැනීම සඳහා නීතිවිරෝධි ලෙස උපයා ගත් මුදල් භාවිත කළා යැයි ඔහුට මාතර මහේස්ත්රාත් අධිකරණයේ පැවැති නඩුවකට පසුගිය මැයි මස 22 වැනිදා වරෙන්තු නිකුත් කෙරිණි.
පසුගිය 29 වැනිදා 2014 වසරේ සංචාරක ප්රවර්ධන කාර්යාංශයේ මිලියන 7.8 ක මුදලක් භාවිත කරමින් 2015 පැවති ජනාධිපතිවරණයට අදාළව ටී ෂර්ට් මුද්රණය කළ බවට අපරාධ පරීක්ෂණ දෙපාර්තමේන්තුව පැවරූ නඩුවක් සඳහා ද වරෙන්තුවක් නිකුත් කෙරිණි.
මෙම නඩු දෙකම කැඳවූ අවස්ථාවේදී අධිකරණයේ පෙනී නොසිටීම හේතුවෙන් මාතර ප්රධාන මහේස්ත්රාත් චතුරංග එරංග දිසානායක මහතා සහ කොටුව මහේස්ත්රාත් පසන් අමරසේන යන මහත්වරුන් විසින් මෙලෙස වරෙන්තු නිකුත් කර තිබුණි.
මාතර එළියකන්ද පාර, බ්රවුන්ස්හිල් ලිපිනයේ පිහිටි අක්කර එකහමාරක ඉඩමක් මිල දී ගැනීම සම්බන්ධයෙන් හිටපු අමාත්ය බැසිල් රාජපක්ෂ මහතාට එරෙහිව පොලිස් මූල්ය අපරාධ කොට්ඨාසය විසින් මාතර මහේස්ත්රාත් අධිකරණයේ පවරා නඩුව කැඳවූ අවස්ථාවේදී නීතිඥ අනිල් ද සිල්වා මහතා බැසිල් රාජපක්ෂ නමැති සැකකරු අසනීප තත්ත්වයෙන් විදෙස්ගතව ප්රතිකාර ලබන බැවින් ඔහු අධිකරණය හමුවේ පෙනී නොසිටින බව වෛද්ය වාර්තා ඉදිරිපත් කරමින් දන්වා ඇත.
සිය සේවාදායකයා ටිකට්පත් වෙන් කර තිබුණත් ගුවන් සමාගම්වලින් ඔහුගේ වගකීම භාර ගැනීමට අකැමැති බව කියා සිටි ජනාධිපති නීතිඥවරයා ඊට හේතුව වන්නේ සිය සේවාදායකයා තනිවම ගුවන් ගමනක යෙදීමට තරම් සෞඛ්ය තත්ත්වයක නොසිටින බැවින් හා ගුවන්යානයේදී තත්ත්වය බරපතළ වෙතැයි ගුවන් සමාගම් අනුමාන කරන බැවින් යැයි ද කියා සිටියේය.
එම හේතුවෙන් එම ගුවන් සමාගම් සියසේවාදායකයා රැගෙන යෑම ප්රතික්ෂේප කරන බව ද ජනාධිපති නීතිඥවරයා සඳහන් කළේය.
දිගින් දිගටම බැසිල් රාජපක්ෂ අධිකරණය මඟ හරිමින් සිටින බැවින් ඉදිරිපත් වූ කරුණු සලකා බැලූ මාතර ප්රධාන මහේස්ත්රාත් චතුරංග දිසානායක මහතා බැසිල් රාජපක්ෂට එරෙහිව වරෙන්තු නිකුත් කිරීමට නියෝගයක් නිකුත් කළේය.
අයථා ලෙස උපයා ගත් මුදල් භාවිත කරමින් මාතර බ්රවුන්ස් හිල් ප්රදේශයේ ඉඩමක් මිල දී ගැනීමේ සිද්ධියක් සම්බන්ධයෙන් හිටපු අමාත්ය බැසිල් රාජපක්ෂ, හිටපු අමාත්යවරයාගේ බිරියගේ සහෝදරිය වන අයෝමා ගලප්පත්ති, ඇයගේ ස්වාමියා තිස්ස ගලප්පත්ති මුදිත ජයකොඩි යන අයට එරෙහිව මාතර මහේස්ත්රාත් අධිකරණයේ නඩුව ගොනු කර තිබේ.
2014 වසරේ සංචාරක ප්රවර්ධන කාර්යාංශයේ මිලියන 7.8 ක මුදලක් භාවිත කර ඌව පළාත් සභා මැතිවරණයට ප්රචාරණ කටයුතු කිරීමට අදාළව එවකට හිටපු ඇමැති බැසිල් රාජපක්ෂ, එහි සභාපති භාෂ්වර ගුණරත්න, කළමනාකාර අධ්යක්ෂ රූමි ජව්ෆර්, ඇතුළු පිරිසකට එරෙහිව කොටුව මහේස්ත්රාත් අධිකරණයේ නඩු පවරා ඇත.
නඩුව නැවත ලබන ජූලි 21 කැඳවීමට නියමිතය.
කොළඹ – ශ්රී ලංකා මානව හිමිකම් කොමිෂන් සභාව (HRCSL) 2026 ජූලි 7 දින වැලිකඩ බන්ධනාගාරයට…
සමෘද්ධි ව්යාපාරය පෞද්ගලිකකරණය කිරීමක් හෝ විකිණීමක් සිදු නොකරන බවත්, රාජ්ය සේවය ශක්තිමත් කරමින් එය වඩාත්…
වරාය සහ සිවිල් ගුවන් සේවා අමාත්යාංශයේ අයවැය පූර්ව සාකච්ඡාව ජනපති ප්රධානත්වයෙන් ඉදිරි වසර 30ට ගැලපෙන…
file සිනමා නිර්මාණ නිෂ්පාදකවරුන්ගේ අවසරයකින් තොරව අනවසරයෙන් අන්තර්ජාලයට හා සමාජ මාධ්ය වෙත මුදාහරින පුද්ගලයන්ට පනවන…
BYD Australia Expands Remedy After Customers Receive Vehicles With Incorrect Build-Year Information BYD Australia has…
චීන මෝටර් රථ නිෂ්පාදක BYD සමාගමේ ඔස්ට්රේලියානු අංශය, පාරිභෝගිකයන් 1,265 දෙනෙකුට අලෙවි කළ වාහනවල නිෂ්පාදන…