UPDATE: ලැයිස්තුවෙන් 1,468ක් අත්අඩංගුවට

ගතවු පැය 24 ක කාල සීමාව තුල යුක්තිය මෙහෙයුම යටතේ සිදුකරන ලද මෙහෙයුම් වලදී සැකකරුවන් 1,468 දෙනෙකු අපරාධ අංශ මගින් අත්අඩංගුවට ගෙන තිබෙනවා.

ඒ පසුගියදා අපරාධ අංශ වලට යොමු කළ දිවයින පුරා සිටි සැකකරුවන් 42,248 දෙනාගේ ලැයිස්තුවට අදාළව යි.

ඒ අනුව,

• විෂ මත්ද්‍රව්‍ය වැරදි සම්බන්ධයෙන් විවෘත වරෙන්තු නිකුත් කර සිටි සැකකරුවන් 4,088 දෙනා අතරින් සැකකරුවන් 254 දෙනෙකු.

• විෂ මත්ද්‍රව්‍ය නොවන වෙනත් වැරදි සම්බන්ධයෙන් විවෘත වරෙන්තු නිකුත් කරතිබු සැකකරුවන් 31,417 දෙනා අතරින් සැකකරුවන් 942 දෙනෙකු.

• ඇගිලි සටහන් මාධ්‍යයෙන් හදුනාගෙන මෙතෙක් අත්අඩංගුවට ගෙන නොමැතිව සිටි සැකකරුවන් 4,258 අතරින් සැකකරුවන් 123 දෙනෙකු.

• 2022 සහ 2023 වර්ෂ වලට අදාළව බල අපරාධ සම්බන්ධයෙන් හදුනාගෙන මෙතෙක් අත්අඩංගුවට නොගත් සැකකරුවන් 2,485 දෙනෙකු අතරින් සැකකරුවන් 149 දෙනෙකු.

වශයෙන් අපරාධ අංශ විසින් අත්අඩංගුවට ගෙන තිබෙනවා.