file
අමාත්ය චාමර සම්පත් මහතා සහභාගී වූ පසුගියදා බදුල්ල ප්රදේශයේ පැවති ආහාර මලු බෙදාදීමක් අතරතුර විරෝධයක් ඇති වූ බවට සමාජ මාධ්ය තුළ සංස්කරණය වන වීඩියෝව සාවද්ය බව ඔහුගේ ලේකම් නිවේදනයක් නිකුත් කරමින් පවසනවා.
එම නිවේදනය පහතින්,
“බදුල්ල දිස්ත්රික්කයට පතිත වූ වර්ෂාව හේතුවෙන් නාය ගිය හා නාය යෑම නිසා ඉවත් කළ පවුල් සඳහා වියලි ආහාර මලු බෙදා දීමක් ගරු අමාත්ය චාමර සම්පත් දසනායක මහතාගේ ප්රධානත්වයෙන් පසුගිය දිනවල පැවැත්වුණා.
ගරු අමාත්යවරයාගේ පෞද්ගලික මුදලින් මෙම ව්යාපෘතිය දියත් කෙරිණ.පස්සර මඩුවත්ත ප්රදේශයේ මෙසේ ආහාර මලු බෙදා දීමේදී ජනතා විරෝධයක් ඇතිවා යයි ඇතැම් සමාජ මාධ්ය විසින් හඳුන්වා තිබිණ.
එය හුදෙක් සාවද්ය ප්රකාශයකි.මෙම ආහාර මලු බෙදාදීමේ වැඩසටහනට ගරු අමාත්යතුමා සමගින් මා පෞද්ගලිකව සහභාගි වූ අතර කිසිම තැනක එසේ ජනතා විරෝධයක් හට නොගැනිණ.
ඉහත කී කඳවුරුදී සිදුවූයේ වතුකරයේ දමිළ සහෝදර සහෝදරියන් 119ක් සඳහා ආහාර මළු බෙදා දීමේදී ආහාර මලු ගැනීමට සුදුසුකම් නොලැබූ විශාල පිරිසක් පැමිණ සිටීමයි.
ඔවුන්ට එය තේරුම්කරදී නියමිත සුදුස්සන්ට පමනක් ආහාර මළු බෙදාදීම සිදුවිණ.
එය සනාථ කිරීම සඳහා අවශ්ය කරුණු ඔබ වෙත එවා ඇත.නොසන්සුන්තාවක් ඇති වුවා යැයි යනුවෙන් හුවා දැක්වීම යම් කිසිවෙකු හෝ කවරෙකු ගේ හෝ දේශපාලනික වශයෙන් මඩ තැවරීමට ගත් හුදු උත්සාහයක් බව ද පෙන්වා දෙනු කැමැත්තෙමි.”
ස්තුතියි,
ගරු අමාත්යතුමන්ගේ මාධ්ය ලේකම් නයන තෙන්නකෝන්.
චමීර ඇල්ලදෙණිය ශ්රී ලංකාවට පමණක් ආවේණික වූ තැඹිලි වගාව ජාත්යන්තර මට්ටමට ඔසවා තබමින්, රටේ අපනයන…
අපනයන ප්රමුඛ කරගත් 2026 ජාතික ඛනිජ ප්රතිපත්තියට අනුව මෙරට ඛනිජ කර්මාන්ත ක්ෂේත්රය සංවර්ධනය කිරීම පිළිබඳ…
හිටපු අමාත්ය පාර්ලිමේන්තු මන්ත්රී රවී කරුණානායක මහතා අල්ලස් හෝ දූෂණ චෝදනා විමර්ශන කොමිෂන් සභාව විසින්…
ශ්රී ලංකා ජාතික ක්රිකට් කණ්ඩායමේ ක්රීඩකයන් සහ දේශීය ආදායම් දෙපාර්තමේන්තුව අතර පැවති බදු සම්බන්ධ නීතිමය…
රටේ ක්රමයේ වෙනසක් ගෙන එනවා කියා කයිවාරු ගහපු, මුලික මානව අයිතිවාසිකම් සුරක්ෂා කරනවා කියා බලයට…