35,000කට ආසන්න ජීවිත ගණනක් බිලිගත් සුනාමි ඛේදවාචකය සිදුව හෙට ට 19 වසරක් ගතවනවා.
2004 දෙසැම්බර් 26 වනදා උදම් රළ රටට කඩා වැදීම සිදුවූයේ උඳුවප් පුර පසළොස්වක පෝහොය දිනකයි.
ඒ අනුව සුනාමී ඛේදවාචකයෙන් පසු වසර 19ක් ගතවන හෙට (26) දිනයේ ද පළමු වතාවට උඳුවප් පොහෝ දිනය යෙදී තිබෙනවා.
අද නත්තලත් හෙට උඳුවප් පොහොය දිනයත් එදා 2004 සුනාමි ව්යවසනය සිදුවූ දින වකවානු අනුවම යෙදී තිබීම ජනතාව අතර අවධානයට ලක්ව තිබෙනවා.
ඒ අනුව එලෙස දිනයන් යෙදී තිබුණත් විද්යාත්මක පසුබිමක් තුළ එවැනි සුනාමි අවදානමක් ඇති වීමේ කිසිදු ඉඩක් නැති බව කාලගුණ විද්යා බලධාරීන් පැවසුවා.
විද්යාත්මක පසුබිමක් නොමැතිව සුනාමියක් ඇතිවේ යැයි පුරෝකථනයක් හෝ පූර්ව දැනුම්දීමක් සිදු කළ නොහැකි බව අපදා කළමණාකරන ඒකකය සඳහන් කළා.
සුනාමි උවදුරක් ඇතිවුවහොත් ගත යුතු සියලු ක්රියාමර්ගයන් ගැන සූදානමින් සිටින බවයි අපදා කළමණාකරන ඒකකයේ අධ්යක්ෂ මේජර් ජෙනරල් සුදත්ත රණසිංහ මහතා ප්රකාශ කළේ.
මේ අතර හදිසි සුනාමි තත්ත්වයකදී ක්ෂණිකව දැනුම් දෙන නාද මාලාවක් සහිත දුරකථන මෘදුකාංග සේවාවාක් හඳුන්වා දීමට නියමිත බවත් එය හෙට පෙරවරුවේ ක්රියාත්මක කරන බවත් ඒ මහතා පැවසුවා.
එම දුරකථන ඇප්ලිකේෂනය හෙට සිට ජංගම දුරකථනයට බාගත කර ගැනීමේ හැකියාව පවතිනවා.
