මාසයක් තුළ පාසල් දැරියන් 168ක් අපයෝජනය කරලා

සැප්තැම්බර් මාසය තුළ පමණක් වයස අවුරුදු 16ට අඩු ගැහැණු දරුවන් 168දෙනෙකු අපයෝජනයට ලක්ව ඇති බව කාන්තා හා ළමා කටයුතු රාජ්‍ය ඇමතිනි ගීතා කුමාරසිංහ පවසනවා.

එම දරුවන් අතරින් දරුවන් 22ක් ගර්භනී තත්ත්වයට පත්ව ඇති බවයි ඇය සඳහන් කළේ.

ප්‍රේම සම්බන්ධතා නිසා දැරියන් 15ක්, බලහත්කාරයෙන් අපයෝජනය කිරීම නිසා දැරියන් 7 දෙනෙකු එලෙස ගැබ් ගෙන ඇති බව අමාත්‍යවරිය ප්‍රකාශ කළා.

මෙම තත්ත්වයට සමස්ත පොලීසිය වග කිව යුතු බවත් මෙවැනි පුද්ගලයින්ට විරුද්ධව නීතිය තදින් ක්‍රියාත්මක කළ යුතු බවත් ඇය පෙන්වා දෙනවා.

“අනාගතයේ දී පියවරුන් නැති දරුවන් විසි දෙදෙනෙක් මේ ලෝකෙට බිහි වෙනවා කියන කණගාටුදායක ආරංචිය කියන්න වෙනවා. මේකට මුළු පොලීසියම වගකිව යුතුයි. මේ අයගෙන් 90%ක්ම කිසියම් මත්ද්‍රව්‍යයක් පාවිච්චි කළ පුද්ගලයින්.”