මෙරට හෙද සේවාව සදහා තවත් හෙද හෙදියන් 3000 ක් බඳවා ගැනීමට අවශ්ය කටයුතු කඩිනම් කරන ලෙස සෞඛ්ය අමාත්ය කෙහෙලිය රඹුක්වැල්ල මහතා නිලධාරින්ට උපදෙස් ලබා දී තිබෙනවා.
ඒ පසුගියදා (29) එම අමාත්යාංශයේ පැවති හමුවකදී.
ඒ අනුව 2018 වර්ෂයේ සිසු හෙද පුහුණුව සදහා බඳවා ගැනුණු පුහුණුලාභීන් 2500 ට ආසන්න පිරිසක් සහ හෙද උපාධිධාරීන් 500 ක් මෙලෙස මෙරට හෙද සේවාවට එක් කිරීමට නියමිත බවයි සඳහන් වන්නේ.
මේ අතර, හෙද පුහුණුව සදහා බඳවා ගැනෙන 2019 / 2020 උසස් පෙළ කාණ්ඩයේ අයදුම්පත්ර කැඳවීම සදහා වන ගැසට් පත්රය සැප්තැම්බර් මස මැද වනවිට නිකුත් කිරිමට සෞඛ්ය අමාත්යාංශය සැලසුම් කර තිබෙනවා. ඉන් තෝරා ගැනෙන අයදුම්කරුවන් වසර 03 ක හෙද පුහුණුවක් සදහා යොමු කිරීමට නියමිතයි.
එමෙන්ම පසුගිය ජුලි මස 3315 දෙනෙකු හෙද සිසු සිසුවියන් ලෙස පුහුණුව සදහා බඳවා ගැනුණු අතර, ඔවුන් 2018 / 2019 වර්ෂවල උසස් පෙළ ප්රතිඵල අනුව සමත් වූ අයයි.
ඒ අනුව මේ වන විට මෙරට හෙද පුහුණුව ලබන සිසු හෙද හෙදියන් සංඛ්යාව 6700 ක් පමණ වන බව සඳහන්.
