නවීකරණය කෙරුණු උතුරු දුම්රිය මාර්ගය කේන්ද්ර කර ගනිමින් ගල්කිස්ස සිට යාපනය හා කන්කසන්තුරේ දක්වා ධාවනය කෙරෙන යාල් නිලා රාත්රී ශිග්රගාමී සුඛෝපබෝගී සංචාරක දුම්රිය ඊයේ (04) සිට ගමන් ආරම්භ කර තිබෙනවා.
ප්රවාහන අමාත්ය බන්දුල ගුණවර්ධන මහතාගේ ප්රධානත්වයෙන් කොළඹ කොටුව දුම්රිය ස්ථානයේ දී නිල වශයෙන් දුම්රිය කන්කසන්තුරේ දක්වා ධාවනය ආරම්භ කිරීම සිදුකර ඇත.
ඒ අනුව කොළඹ කොටුවෙන් රාත්රී 10ට ගමන් ආරම්භ කරන දුම්රිය පෙරවරු 05.52ට කන්කසන්තුරේ වෙත ලඟා වීමට නියමිතයි. එමෙන්ම රාත්රී 09.30ට කන්කසන්තුරේ සිට පිටත් වන දුම්රිය ගල්කිස්සට ලඟා වන්නේ පෙරවරු 05.36ටයි.
නවීන, අති සුඛෝපභෝගී පහසුකම්වලින් සමන්විත යාල් නිලා දුම්රියට වායු සමීකරණය කරන ලද ප්රථම සහ දෙවන පන්තියේ මැදිරි, සනීපාරක්ෂක පහසුකම්, භෝජනාගාර ඇතුලු පහසුකම් ඇතුලත් වන බව සඳහන්.
