කාම්බෝජයේ පැවැත්වෙන ලෝක නායකත්ව සමුළුවට සහභාගී වී සිටින හිටපු ජනාධිපති මෛත්රීපාල සිරිසේන මහතා ඊයේ (23) නේපාලයේ හිටපු අගමැති කේපී ෂර්මා ඔලී මහතා හමුවී සාකච්ඡා කර තිබෙනවා.
ශ්රී ලංකා – නේපාල මිත්රත්වය පිළිබඳවත් දෙරට අතර පවතින සහයෝගීතාවය ඉහල නංවා ගැනීම පිළිබඳවත් මෙහිදී සාකච්ඡා පවත්වා ඇත.
දෙරට අතර ආර්ථික, සාමාජයීය සහ සංස්කෘතික බැඳීම් ශක්තිමත් කර ගනිමින් සමීප සබඳතාවයක් පවත්වා ගැනීමත් වර්තමානයේ මුහුණ දී තිබෙන ආර්ථික කරුණු පිළිබඳවත් එහිදී නේපාලයේ හිටපු අගමැති කේපී ෂර්මා ඔලී මහතා සහ හිටපු ජනාධිපති මෛත්රීපාල සිරිසේන මහතා අතර සුහද සාකච්ඡාවක් පැවැත්වුණ බව සඳහන් වෙනවා.
ලෝක සාම සමුළුවේ ආරාධනයකට අනුව හිටපු ජනාධිපතිවරයා ලෝක නායකත්ව සමුළුවට සහභාගී වී ඇත.
