උදරයේ ආබාධක් හේතුවෙන් ප්රතිකාර සදහා පේරාදෙණිය රෝහලට ඇතුළත් කර සිටියදී මියගිය 21 හැවිරිදි තරුණියගේ මරණය සම්බන්ධයෙන් එම රෝහලේ අධ්යක්ෂ වෛද්ය අර්ජුන තිලකරත්න මහතා අදහස් පළ කළා.
මියගිය තරුණියට කිසිදු ආකාරයකින් අධිමාත්රා ඖෂධයක් හෝ වැරදි ඖෂධයක් ලබාදීමක් සිදුව නොමැති බව ඒ මහතා අවධාරණය කර සිටියා.
තරුණියගේ ආන්දෝලනාත්මක මියයාම සම්බන්ධයෙන් මාධ්ය දැනුවත් කිරීම සඳහා අද (13) පැවති මධ්ය හමුවට එක්වෙමින් ඒ මහතා මේ බව පැවසුවා.
තරුණියට ලබා දී ඇති Ceftriaxone නැමති ප්රතිජීවක ඖෂධය පේරාදෙණිය ඇතුළු ලංකාවේ සියලු රෝහල්වල රෝගීන්ට ලබා දෙන එකක් බවයි වෛද්යවරයා පෙන්වා දුන්නේ.
එම ඖෂධය නිසා මරණය සිදුවූ බවට සැකයක් නොමැති බවත් මෙය ඉතා කලාතුරකින් සිදුවන ආසාත්මිකතා කම්පනයක් නිසා සිදුවූ මරණයක් බවට සැක කරන බවත් ඒ මහතා වැඩිදුරටත් පැවසුවා.
උදරයේ අබාධයක් සඳහා පේරාදෙණිය රෝහලේ ප්රතිකාර ලබමින් සිටි පොත්තපිටිය ප්රදේශයේ 21 හැවිරිදි තරුණියක් ඊයේ හදිසියේ මියගියා.
ලබාදුන් එන්නතක් නිසා දියණිය හදිසියේ මියගිය බව ඇයගේ පවුලේ ඥාතින් චෝදනා කර සිටියා.
