දේශීය

තරුණයෙක් ගොවියන්ට පිහිට වෙන්න ඩ්‍රෝන යානාවක් හදයි..

file

වී වගාවට යොදන සියලුම කෘමි සහ වල් නාශක 60%ක් ඉතිරි කර ගනිමින් කාලය, ධනය, ශ්‍රමය ආරක්ෂා කරගෙන අක්කර දෙක හමාරකට විනාඩි 4ක වැනි කෙටි කාලයකින් දියර ඉසීමට හැකි ඩ්‍රෝන යානාවක් නිර්මාණය කළ අයකු පොලොන්නරුව, මහවැලි බී කලාපය, දිඹුලාගලින් අපට හමු විය.

ඔහු නමින් සංකල්ප ද සිල්වා වන අතර, අංක 70/01 හෙට්ටියාවත්ත ඇලපිටිවල, රාගම ප්‍රදේශයේ පදිංචි අයෙකි.

බඩඉරිඟු, පොල්, කජු, උක් ඇතුළු අනෙකුත් භෝග වගාවලට වැලඳෙන සියලුම රෝගවලට ද මේ ඩ්‍රෝන යානාව උපයෝගී කරගනිමින් දිය‍ර ඉසීමට හැකි වන පරිදි ඔහු විසින් මෙය නිර්මාණය කර තිබීම විශේෂත්වයකි.

මේ කෘෂිකාර්මික ඩ්‍රෝන යානාව පිළිබඳව සංකල්ප මෙලෙස අදහස් දැක්වීය.

“මේක කෘෂිකාර්මික ඩ්‍රෝන යානයක්. මෙහි විශේෂත්වය ලංකාවේ තමයි මේ සියලු පරීක්ෂණ කටයුතු කර නිර්මාණය නිමාවට පත් කළේ. මේ නිර්මාණයේ හිමිකරු මම. මෙය මෙරට වගාවන්ට හොඳටම සුසර කර තියෙන්නේ. වෙනත් ක්‍රමවලින් තෙල් ඉසිනවාට වඩා මේ ඩ්‍රෝන යානාවෙන් තෙල් ඉසීමෙන් 60%ක් තෙල් ඉතිරි කරගැනීමේ හැකියාව තිබෙනවා. මෙය දීප ව්‍යාප්ත කර හදා ගත්තොත් මෙරට පොහොර භාවිතය 50%කින් අඩු කරගැනීමටත් හැකියාව පවතිනවා. ඒ වගේම පොළොවට පතිත වන රසායනික ප්‍රමාණයත් අඩු වෙනවා. ඒ හරහා පිටරටට යන මුදල් ඉතිරි කර ගන්නත් පුළුවන්. එවගේම මෙයින් ගොවි මහත්වරුන් රසායනික ද්‍රව්‍යවලට නිරාවරණය වීම 100%කින්ම අඩු වෙනවා. මේ ඩ්‍රෝන යානාවෙන් දවසකට තෙල් අක්කර පනහක හැටක ප්‍රමාණයකට ඉසින්න පුළුවන්.

මම රජයෙන් ඉල්ලන්නේ පිටරටින් ගේන ඩ්‍රෝන යානා ප්‍රමාණය අඩු කර ලංකාවේ නිෂ්පාදනය කරන ඒවාට මුල්තැන දෙන්න කියලා. මේ ඩ්‍රෝන යානාව දීප ව්‍යාප්ත කරන්න රජයෙන් සහයෝගය බලාපොරොත්තු වෙනවා. මම මේ වෙනකොට සැලසුම් කර තියෙනවා, එක් පුද්ගලයකුට නැඟ යෑමට හැකි ඩ්‍රෝන යානාවක්. අපට මූල්‍ය ණය පහසුකම් දෙනවා නම් මේවා වැඩි දියුණු කර තව බොහෝ පිරිසකට රැකියා අවස්ථා දීමටත් හැකියාව තිබෙනවා. විශේෂයෙන් තරුණයන් මේ තාක්ෂණයත් සමඟ කෘෂිකර්මාන්තයට නැඹුරු වීමේ ප්‍රවණතාව වැඩි වෙනවා.”

මනම්පිටිය නිමල් ජයරත්න

උපුටා ගැනීම: දිනමිණ

Recent Posts

සමූපකාර තොග වෙළෙඳ සංස්ථාවේ ප්‍රථම තොග අලෙවි මධ්‍යස්ථානය අද මාතරදී විවෘත කෙරේ

සමූපකාර තොග වෙළෙඳ සංස්ථාවේ (ජාතික සතොස) ප්‍රථම තොග අලෙවි මධ්‍යස්ථානය අද (11) මාතරදී විවෘත කිරීමට…

6 days ago

රඹෑව බස් අනතුරෙන් 5 දෙනෙකු මරුට

 රඹෑව ප්‍රදේශයේදී බස් 3ක් ගැටී සිදුවූ අනතුරෙන් 5 දෙනෙකු මියගොස් තිබේ. අනතුරට ලක් වුණේ, ලංගම…

6 days ago

Anyone Can Post, But Should Everyone Be Believed?

One Lie is Small. A Pyramid of Them Looks Like the Truth. By Dinesh Abeywickrama…

6 days ago

ආසියා ශාන්තිකර කලාපීය විද්‍යුත් විකාශකයින්ගේ සංගමයේ මහා සමුළුවේ සමාරම්භක උත්සවය ජනපති ප්‍රධානත්වයෙන්

කැපිටල් මහාරාජා සභාපති ශෂී රාජ මහේන්ද්‍රන් හා කැපිටල් මහාරාජා සමූහ අධ්‍යක්ෂ ෂෙවාන් ඩැනියෙල් සමඟ ජනපති…

2 weeks ago

ජ්‍යෙෂ්ඨ නීතිඥ ලාල් විජේනායකගේ දේහයට ජනපති අවසන් ගෞරව දක්වයි

ශ්‍රී ලංකාවේ ජ්‍යෙෂ්ඨ වාමාංශික දේශපාලන ක්‍රියාකාරිකයෙකු සහ ජාතික ජන බලවේගයේ (NPP) විධායක සභික අභාවප්‍රාප්ත ජ්‍යෙෂ්ඨ…

2 weeks ago

ප්‍රදේශ කිහිපයක අදත් හවසට වැස්ස

බස්නාහිර, සබරගමුව, මධ්‍යම, ඌව සහ දකුණු පළාත්වල සහ කුරුණෑගල, අම්පාර සහ මඩකළපුව දිස්ත්‍රික්කවල පස්වරු 1.00…

2 weeks ago