file
අඳුනක් බලමින් දුරකතනයෙන් උපදෙස් දුන් මෑණියෝත් මාට්ටු
හෝමාගම සිට අඳුනක් බලමින් දුරකථනය ඔස්සේ ලබා දෙන උපදෙස් අනුව කිරිවත්තුඩුව මැද්දහේන වත්ත ප්රදේශයේ තාප්පයකින් වට වූ නිවසක් ඉදිරිපිට නිධානයක් හාරමින් සිටි කාන්තාවන් සිව්දෙනෙකු සහ පිරිමි පුද්ගලයෙකු අත්අඩංගුවට ගත් බව කහතුඩුව පොලිසිය කියයි.
එම සැකකාරියන් සමඟ වතුර ඉසීම සඳහා යොදාගත් මෝටර්යක්, ප්ලාස්ටික් බට තොගයක්, පූජා භාණ්ඩ සහ මල් පහන්, බේසම් සහ බාල්දි පොලිස් භාරයට ගෙන ඇත.
සැකකාරියන් අතර නිවෙස් හිමි 76 හැවිරිදි කාන්තාවක මෙන්ම 20 හැවිරිදි තරුණියක ද වන බව පොලිසිය කියයි. සෙසු සැකකාරියන් අතර අතර “මෑණී” යනුවෙන් හඳුන්වන කාන්තාවක ද වේ. නිවස ඉදිරිපිට ළිඳේ නිධානයක් තිබෙන බවට නිවෙස් හිමි 76 හැවිරිදි සැකකාර කාන්තාවගේ මියගිය සැමියා හීනෙන් පැවසූ බවත් අනතුරුව එය ගොඩ ගැනීම සඳහා හෝමාගම පනාගොඩ ප්රදේශයේ මෑණි කෙනෙකු හමුවට ගොස් තිබූ බව පොලිස් විමර්ශනවලදී අනාවරණය වී ඇත.
බහුතරයක් කාන්තාවන්ගෙන් සමන්විතව මෙම නිධානය ගොඩ ගැනීමට හැකි බව මෑණී යැයි කියා ගන්නා ලද කාන්තාව දින කීපයකට පෙර ලබාදුන් ලද උපදෙස් අනුව පෙරේදා (3) දහවල් නිධානය ගොඩ ගැනීමට අවශ්ය කටයුතු සකස් කළ බව ප්රධාන සැකකාරිය පොලිසිය හමුවේ ප්රකාශ ලබා දී ඇත.
ඒ සඳහා සැකකාර මෑණි යැයි කියා ගත් කාන්තාව අඳුන බලමින් හෝමාගම පනාගොඩ සිට දුරකථනයෙන් උපදෙස් ලබාදී ඇති බව පොලිස් විමර්ශනවලදී අනාවරණය විය. සැකකාරියන් සහ සැකකරු කැස්බෑව මහේස්ත්රාත් අධිකරණය වෙත ඉදිරිපත් කිරීමට නියමිතය.
කහතුඩුව පොලිසියේ ස්ථානාධිපති ප්රධාන පොලිස් පරීක්ෂක ඒ. එච්. එස්. ප්රියංකර මහතාගේ උපදෙස් මත අපරාධ අංශයේ ස්ථානාධිපති උප පොලිස් පරීක්ෂක උදය කුමාර පොලිස් සැරයන් 41445 ලලිත් පොලිස් කොස්තාපල් 84555 නිශාන් 8436 ප්රියංකර මහත්වරු පරීක්ෂණ පවත්වති.
බණ්ඩාරගම බිමල් ජයසිංහ
උපුටා ගැනීම – දිනමිණ පුවත්පත
සමූපකාර තොග වෙළෙඳ සංස්ථාවේ (ජාතික සතොස) ප්රථම තොග අලෙවි මධ්යස්ථානය අද (11) මාතරදී විවෘත කිරීමට…
රඹෑව ප්රදේශයේදී බස් 3ක් ගැටී සිදුවූ අනතුරෙන් 5 දෙනෙකු මියගොස් තිබේ. අනතුරට ලක් වුණේ, ලංගම…
One Lie is Small. A Pyramid of Them Looks Like the Truth. By Dinesh Abeywickrama…
කැපිටල් මහාරාජා සභාපති ශෂී රාජ මහේන්ද්රන් හා කැපිටල් මහාරාජා සමූහ අධ්යක්ෂ ෂෙවාන් ඩැනියෙල් සමඟ ජනපති…
ශ්රී ලංකාවේ ජ්යෙෂ්ඨ වාමාංශික දේශපාලන ක්රියාකාරිකයෙකු සහ ජාතික ජන බලවේගයේ (NPP) විධායක සභික අභාවප්රාප්ත ජ්යෙෂ්ඨ…
බස්නාහිර, සබරගමුව, මධ්යම, ඌව සහ දකුණු පළාත්වල සහ කුරුණෑගල, අම්පාර සහ මඩකළපුව දිස්ත්රික්කවල පස්වරු 1.00…