සංචාරකයින් එන සිරීපාදේ, පොලිස් මහත්තුරුන්ගේ කරුණාව? (VIDEO)

මේ කතාව සිරීපාදෙ ඉන්න පොලිසියෙ මහත්වරු ගැන..

සිරීපාදෙ ඉන්න පොලීසියෙ මිනිස්සුන්ට මනුස්සකම සහ මනුස්සයෙක්ට කතා කරන විදිය ගැන පොඩ්ඩක් කියල දෙනව නම් වටිනව පොලීසියෙ ලොකු මහත්වරු..
මේ පොටෝ සහ වීඩියෝ වල ඉන්න අංක 104292 අංකය දරණ පොලිස් නිලධාරිය ප්‍රමුඛ තවත් නිලධාරින් සිරීපාදෙ උඩ මලුවට පිවිසෙන පඩිපෙල අවට 28/03/2023 ඉර සේවය බලන්න හිටපු මිනිස්සුන්ට කතා කරපු විදිය කොහොමද කියල පොඩි ප්‍රමාණයක් වීඩියෝ වල තියනව,එතන හිටපු මිනිස්සු කියයි ඒක කොච්චර කැතයිද කියල..
අනිත් කතාව එතන එයාල කලබල වෙලා හැසිරුන තරම් තදබදයක් තිබුනෙ නෑ මිනිස්සු අතර..
කිලෝමීටර් සිය ගණන් වාහන වලට සල්ලි ගෙවාගෙන කිලෝමීටර් ගාණක් පඩි පෙලවල් 4500කට වැඩි ප්‍රමාණයක් නැගගෙන,නිදිමරාගෙන,හරියට කෑමක් බීමක් නැතුව,සීතලේ සිරිපා කරුණාවට එන මිනිස්සුන්ට උදේ පාන්දරම මේ විදියට කතා කරද්දි ඒ මිනිස්සු ඉවසන් ඉන්නෙ තමන් ආපු ගමනෙ වැදගත්කම ගැන හිතල වෙන්න ඕනෙ,ඒත් ඒ නිලධාරියො හිතනව ඇත්තෙ එහෙමමද කියල නම් දන්නෙ නෑ,මොකද මාර වීරකමක් කරනව වගේ එයාල හැසිරෙන්නෙ..
විශේෂම කාරනාව මේ නිලධාරියො එතන හිටපු සමහර විදේශිකයින්ටත් එතනින් යන්න කියල කියපු එක,”man,you go..” කියල තමයි එක විදේශිකයෙක්ට මේ නිලධාරිය කිව්වෙ,
පිටරටක ඉදන් ඒ වගේ දුරක් ගෙවාගෙන මේ රටට ඇවිල්ල ඒ විදියට යන්න කිව්වම ඒ මිනිස්සුන්ට මොනව හිතෙන්න ඇතිද,ඒ මිනිස්සු මේ ගැන අඩුම google review එකකවත් නොදා ඉදීවි ද? ඒව දැක්කම ඉස්සරහට එන්න ඉන්න විදේශිකයින්ට තමන්ගෙ ගමන වෙන රටකට දා ගන්න නොහිතේවිද?
අදාල බලධාරියො මේවට අදාල පියවර නොගත්තොත් මේව කොහෙන් ඉවර වේවිද කියල කියන්න අමාරුයි..
සිරීපාදෙ යන්න ඉන්න අයත් මේ අය ගැන අවධානෙන් යන්න කියල තමයි කියන්න තියෙන්නෙ.

:උපුටා ගැනීම මුහුණු පොතින්

අදාළ දර්ශන පහතින්,