මහව සිට යාපනය දක්වා ගමන් ගන්නා දුම්රිය මාස පහක කාලයක් සඳහා නතර කිරීමට සිදු වන බව ප්රවාහන හා මහාමාර්ග අමාත්ය බන්දුල ගුණවර්ධන මහතා පවසනවා.
මහව සිට දුම්රිය ගමන් කිරීමට නොහැකි ලෙස දුම්රිය මාර්ගය අබලන්වී ඇති බැවින් දුම්රිය මාර්ගය අලුත්වැඩියා කිරීම සඳහා මාස පහක කාලයකට මහව සිට යාපනය දක්වා දුම්රිය ගමනාගමනය අත්හිටුවීමට තීරණය කර ඇති බවයි එතුමා අද ( 28) පාර්ලිමේන්තුව තුළ දී ප්රකාශ කළේ.
එළඹෙන ජනවාරි 15 අලුත්වැඩියා කටයුතු ආරම්භ කරන බව එතුමා වැඩිදුරටත් ප්රකාශ කළා.
