ඔස්ට්රේලියාවේ පැවැති ලෝක කුසලාන තරගාවලිය අතරතුර ක්රීඩක ගිවිසුමට අදාළ වගන්ති කීපයක් උල්ලංඝනය කිරීම සම්බන්ධයෙන් ශ්රී ලංකා කණ්ඩායමේ තුන් ඉරියව් ක්රීඩක චාමික කරුණාරත්නට එරෙහිව තිබූ සියලුම චෝදනාවලට වරදකරු වී තිබෙන බව ඒ පිළිබඳව විනය පරීක්ෂණය පැවැත්වූ ත්රිපුද්ගල කමිටුව විසින් තීරණය කර තිබෙනවා.
හිටපු මහාධිකරණ විනිසුරුවරයෙකු වන වන සිසිර රත්නායක යන අය ඇතුළු ත්රිපුද්ගල කමිටුවක් විසින් චාමික විසින් සිදුකර ඇති විනය කඩකිරීම් සැලකිල්ලට ගෙන යළිත් වරක් එලෙස විනය කඩකිරීමක් සිදු නොකරන ලෙස තරයේ අවවාද කර ඔහුගේ ක්රිකට් දිවියට බලපෑමක් නොවන මට්ටමේ දඬුවමක් ඔහුට ලබාදෙන ලෙස ශ්රී ලංකා ක්රිකට් විධායක කමිටුව වෙත දැනුම් දී ඇති බව වාර්තා වෙනවා.
ඉහත සියලු කරුණු සැලකිල්ලට ගෙන ශ්රී ලංකා ක්රිකට් විධායක කමිටුව විසින් චාමිකට එරෙහිව සියලු ආකාරයේ වසරක තරඟ තහනමක් පැනවීමටත් තරඟ තහනමට අමතරව ඇමරිකානු ඩොලර් 5000 ක දඩයක් නියම කිරීමටත් තීරණය කර තිබෙනවා.
